Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Nus tschertgain Vus! Ina persuna che sa manar glieud cun experientscha e cun enconuschientschas specificas dal dretg fiscal. Tar l'Administraziun da taglia dal Grischun per il 1. d'avust 2024 u tenor cunvegna. Il manader da secziun da fin ussa ans banduna pervia da ses pensiunament.
Voss champ d'incumbensas
- Manar in team da 9 collavuraturas e collavuraturs en quai che reguarda ils fatgs e l'organisaziun.
- Taxar la taglia sin il gudogn tras la vendita da bains immobigliars sco er da la taglia sin l'ierta e sin donaziuns (sustegnair ils cumissaris da taglia).
- Realisar proceduras penalas fiscalas incl. far interrogaziuns e retschertgas en la procedura da meds legals.
- Liquidar la correspundenza e dar infurmaziuns en acts giuridics da dretg civil u economic (midadas da proprietad).
- Dar a bucca ed en scrit infurmaziuns a pajataglias (incl. elavurar respostas fiscalas provisoricas [rulings]).
- Garantir e sviluppar vinavant in sistem da taxaziun che funcziuna bain en collavuraziun cun la partiziun d'informatica interna e cun l'offerent extern.
- Substituir e rediger la correspundenza cun instanzas giudizialas superiuras.
- Ademplir la funcziun giuridica en la partiziun Taglias spezialas.
Quai che nus giavischain da Vus
- Ultra d'ina auta cumpetenza sociala As qualifitgais Vus tras empatia e tras Voss umor. Vossa persunalitad simpatica, in bun dun receptiv ed in pensar cumbinatoric As permettan ina demananza persvadenta en il contact cun gruppas da persunas internas ed externas fitg differentas e da defender ils interess da l'Administraziun da taglia er en situaziuns difficilas.
- Grazia a Vossas qualitads communicativas savais Vus motivar las collavuraturas ed ils collavuraturs per cuntanscher las finamiras ambiziusas. L'abilitad da moderar dentant er la forza da persvader e l'abilitad organisatorica cumpletteschan Voss profil.
- Vossas cumpetenzas da manar glieud Avais Vus cumprovà durant plirs onns e francà cun furmaziuns supplementaras correspundentas.
- Vus avais terminà cun success in studi da giurisprudenza ubain essas experta fiscala u expert fiscal cun diplom federal ed avais experientscha professiunala da plirs onns, da preferenza en il sectur da taglia, da fiduziari, d'immobiglias u d'administraziun.
Nus ans legrain da Vossa annunzia online e da far Vossa enconuschientscha.