Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sco Uffizi d'informatica tschertgain per immediat u tenor cunvegna in'architecta u in architect da soluziuns per ils servetschs dad e-government.
Tes champ d'incumbensas
- Sviluppar e documentar finamiras e standards per integrar applicaziuns en il rom da l'architectura dad e-government
- Cussegliar ed accumpagnar projects da digitalisaziun a chaschun da lur concepziun e realisaziun
- Garantir che las prescripziuns surordinadas vegnian observadas dals furniturs da software
- Sviluppar vinavant permanentamain l'architectura d'applicaziun dad e-government
- Collavurar en il rom da la garanzia da l'interoperabilitad da process, da datas, d'applicaziuns, da tecnologias e d'interfatschas d'applicaziuns spezialas
Quai giavischain nus da tai
- Studi terminà en informatica, en inschigneria da software u en in sectur sumegliant
- Experientscha professiunala da plirs onns en il sectur da l'architectura da soluziuns u da software sco er en il svilup da soluziuns tecnicas cumplexas cun in aut nivel da protecziun
- Pensar cumplessiv ed analitic sco er moda da lavurar structurada ed orientada al team
- Persunalitad independenta, conscienta da la qualitad e fidada cun atgna iniziativa, abilitad organisatorica e perseveranza
- Fitg bunas enconuschientschas dal tudestg a bucca ed en scrit, bunas enconuschientschas da l'englais e d'ina segunda lingua chantunala èn d'avantatg
Nus ans legrain da Vossa annunzia online e da far Vossa enconuschientscha.