Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Il Plantahof è in post da servetsch dal Departament d'economia publica e fatgs socials ed il center da cumpetenza per la furmaziun e la cussegliaziun agricula en il chantun Grischun. Ultra da la scola professiunala spezialisada d'agricultura porscha il Plantahof diversas scolaziuns cuntinuantas, curs da perfecziunament e dietas. Plinavant è el cumpetent per la cussegliaziun e l'intermediaziun cumplessiva da savida spezialisada a favur dals manaschis agriculs e dals manaschis d'alp dal Grischun sco er d'ulteriurs circuls che han in connex cun temas da l'agricultura. Per quests intents maina el er in agen bain puril d'emprova en quatter differents lieus, inclusiv duas butias dal bain puril. La finala dispona el er d'in center da dietas cun internat, auditori e manaschi d'alimentaziun.
Nus tschertgain per immediat u tenor cunvegna ina magistra e cussegliadra u in magister e cussegliader per il sectur spezialisà Economia d'alp e cussegliaziun agricula generala
Voss champ d'incumbensas
- Cussegliaziun professiunala en il sectur da l'economia d'alp
- Cussegliaziuns concernent dumondas agriculas generalas
- Instrucziun dal rom economia d'alp en la furmaziun da basa sco er en ils studis da furmaziun cuntinuanta
- Planisaziun e realisaziun da la cussegliaziun da manaschis singuls sco er da la furmaziun supplementara per circuls interessads
- Colliaziun cun gremis e cun cumissiuns da l'economia d'alp
Quai che nus giavischain da Vus
- Agronoma u agronom (bachelor u master); agrotecnicista u agrotecnicist SSS u scolaziun equivalenta
- Qualificaziun supplementara sco persuna d'instrucziun e da cussegliaziun
- Experientscha en ils secturs da cussegliaziun e da furmaziun supplementara
- Persunalitad fidada, da buna luna ed abla da lavurar en in team
- Manadra u manader tematic da la cussegliaziun d'economia d'alp
- Prontezza da surpigliar responsabladad
- Enconuschientschas d'ina ulteriura lingua chantunala èn giavischadas
Nus ans legrain da Vossa annunzia online e da far Vossa enconuschientscha.