Praticanta u praticanta en la forensica 100%, plazza da praticum limitada a 9 fin 12 mais

Polizia chantunala dal Grischun / Departament da giustia, segirezza e sanadad | 100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
La Polizia chantunala dal Grischun è ina patruna moderna ed attractiva. Il Servetsch per la tecnica criminala sa cumpona dals servetschs spezials Identificaziun, Fotografias/fastizs, Tecnica e Retschertga d'incendis/materias explosivas. El fa part da la Polizia criminala e furnescha prestaziuns a favur dals servetschs da retschertga polizials, da la Procura publica e da las dretgiras. Tschertgais Vus ina plazza da praticum interessanta, instructiva e multifara en in team engaschà, flexibel ed innovativ? 

Alura essas Vus la dretga persuna per nus.

Per la Polizia chantunala / Departament da giustia, segirezza e sanadad tschertgain nus per immediat u tenor cunvegna ina praticanta u in praticant per la forensica

Voss champ d'incumbensas

  • Segirar ed evaluar ils fastizs sut aspects da la tecnica criminala als lieus dals delicts sco er en ils locals d'analisa dal Servetsch per la tecnica criminala
  • Far analisas da la tecnica criminala e documentar ils resultats en furma da rapports
  • Valitar novas metodas da segiranza e d'evaluaziun da la tecnica criminala
  • Collavurar a projects

Quai che nus giavischain da Vus

  • Studi terminà en scienzas forensicas a l'Universitad da Losanna (École des sciences criminelles)
  • Interess per incumbensas da la tecnica criminala
  • Persunalitad fidada, innovativa ed effizienta
  • Gronda cumpetenza sociala ed abilitad da lavurar en in team, fitg buna abilitad da supportar squitsch fisic e psichic sco er capacitad da persvader 
  • Expressiun netta e correcta en tudestg
  • Moda da lavurar exacta, fidada ed independenta
  • Discreziun

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Polizia chantunala
Ringstrasse 2
7000 Cuira
Per dumondas specificas stat Martin Hepberger, schef dal sectur spezial dal Servetsch per la tecnica criminala, gugent a Vossa disposiziun sut il numer da telefon 081 257 72 38.

Termin d'annunzia: 15 da zercladur 2024
Nus ans legrain da Vossa annunzia online e da far Vossa enconuschientscha.
S'annunziar online