Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per l'execuziun giudiziala dal Grischun (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l'execuziun da chastis e da mesiras sco er dals differents geners d'arrest. En il Grischun vegn l'execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas ch'èn daventadas delinquentas, per impedir ulteriurs acts criminals.
Il Stabiliment giudizial Realta serva a l'execuziun averta dad umens tenor il Cudesch penal svizzer.
Nus tschertgain per immediat ina collavuratura u in collavuratur per l'orticultura (limità fin ils 31-10-2024)
Voss champ d'incumbensas
- Collavurar en ils secturs producziun da plantas da vaschs, cultivaziun da legums, preparaziun e butia dal bain puril
- Sustegnair il team d'orticultura en reguard professiunal sco er en l'instrucziun ed en l'assistenza da las persunas collocadas
- Cussegliar la clientella sco er vender noss sortiment varià en la butia dal bain puril
- Liquidar en moda cumpetenta ed entaifer ils termins tut las lavurs che resultan en il champ d'acziun
- Prestar servetschs da bagnar durant las fins d'emna e vender ina part dal sortiment a la fiera dal venderdi a Tusaun
Quai che nus giavischain da Vus
- In emprendissadi terminà sco ortulana u ortulan u sco flurista u flurist ubain in emprendissadi terminà equivalent en la branscha verda
- Experientscha professiunala da plirs onns sco er experientscha en la cussegliaziun da la clientella ed en la vendita
- Ina persunalitad equilibrada, flexibla, amicabla e simpatica ch'è abla da lavurar en in team
- Plaschair da far lavurs fitg variadas
- Permiss da manischar da la categoria B
- Ina conduita irreproschabla
Nus ans legrain da Vossa annunzia online e da far Vossa enconuschientscha.