Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post spezialisà dal sectur da construcziun tgira l'Uffizi da construcziun auta dal Grischun ils interess dal chantun sco proprietari e possessur d'immobiglias ubain sco patrun da construcziun ed è responsabel per tut las prestaziuns dal management d'immobiglias. Quai cumpiglia la structuraziun dal portfolio d'immobiglias, la planisaziun, la realisaziun e la gestiun d'immobiglias sco er la cussegliaziun.
Nus tschertgain per il 1. d'avust 2024 u tenor cunvegna ina tgiradra u in tgirader d'objects, ina pedella u in pedel.
Sco tgiradra u tgirader d'objects, pedella u pedel As spetgan in ambient da lavur avert en il center da Cuira, pussaivladads attractivas d'absolver furmaziuns supplementaras sco er spazi pussaivel per la famiglia e per la concepziun dal temp liber.
Voss champ d'incumbensas
- Responsabladad per il mantegniment da l'edifizi e da las installaziuns tecnicas
- Responsabladad per schubradad e per urden en l'edifizi e sin il bain immobigliar. Quai cumpiglia il nettegiament, la dismessa da rument e la tgira da surfatschas externas e verdas
- Survegliar las installaziuns da segirezza en l'edifizi, sco detecturs d'incendis, sortidas d'urgenza u sistems d'alarm e da surveglianza, sco er procurar che tut las prescripziuns e directivas legalas vegnian observadas
- Reparaturas pitschnas ed eliminaziuns da disturbis
- Persuna da contact directa per il persunal da l'administraziun chantunala e per ils mastergnants, prender encunter giavischs e dumondas sco er coordinar ils pass necessaris per eliminar problems
- Manar il persunal da nettegiament attribuì
- Coordinar ils purschiders da servetschs ed ils furniturs
- Responsabladad per rumir la naiv dals passapes e da las plazzas da parcar
Quai che nus giavischain da Vus
- Scolaziun terminada en il sectur artisanal u tecnic
- Furmaziun supplementara sco pedella u pedel APF u prontezza d'absolver questa furmaziun
- Grond senn da responsabladad e da qualitad
- Prontezza d'agir en cas d'intervenziun tecnicas
- In pensar cumplessiv sco er ina moda da lavurar independenta ed orientada a soluziuns
- Bunas enconuschientschas en l'applicaziun dal computer
Nus ans legrain da Vossa annunzia online e da far Vossa enconuschientscha.