Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco center da cumpetenzas da HR realisescha l'Uffizi da persunal incumbensas strategicas ed operativas per l'entira administraziun chantunala dal Grischun. Nus contribuin al fatg, ch'il chantun Grischun è in patrun attractiv e progressiv per circa 4300 collavuraturas e collavuraturs.
Nus tschertgain per immediat u tenor cunvegna ina spezialista u in spezialist da payroll.
Voss champ d'incumbensas
- Elavuraziun mensila da las pajas da l'administraziun chantunala cun circa 4300 collavuraturas e collavuraturs
- Responsabladad per process da payroll davent da l'entrada fin a la sortida
- Elavuraziun da dumondas dals posts da servetsch pertutgant il persunal
- Sustegn tar la realisaziun da las lavurs da clusiun dal quint annual
- Accumpagnament dals process da revisiun
- Collavuraziun a l'optimaziun ed a la digitalisaziun da process da HR
- Endataziun ed elavuraziun da datas persunalas en Abacus
Quai che nus giavischain da Vus
- Experientscha professiunala en la contabilitad da pajas e/u en il sectur da persunal
- Furmaziun supplementara en ils fatgs da finanzas, d'assicuranzas socialas u da HR
- Affinitad digitala e bunas enconuschientschas da la IT
- Persunalitad dinamica cun in bun dun receptiv e cun l'abilitad da s'adattar
- Abilitad da supportar squitsch e da lavurar en in team sco er moda da lavurar cumplessiva, exacta ed orientada a soluziuns
- Enconuschientschas pli profundas da payroll en Abacus èn d'avantatg
Nus ans legrain da Vossa annunzia online e da far Vossa enconuschientscha.