Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Sco post da cumpetenza e da coordinaziun exequescha l'Uffizi da persunal il dretg da persunal chantunal ed il management da persunal per l'administraziun chantunala e sviluppa vinavant cuntinuadamain las basas latiers. El contribuescha essenzialmain al fatg, ch'il chantun Grischun – sco patrun attractiv e progressiv – po ademplir sias incumbensas da tut temp e cun success.
Nus tschertgain per immediat u tenor cunvegna ina coordinatura u in coordinatur dal business continuity management.
Voss champ d'incumbensas
- Regular e realisar las activitads en il sectur dal business continuity management (BCM) en l'administraziun chantunala (BIA, analisas da las ristgas, BCS, scolaziuns BCP, exercizis e tests)
- Barattar instituziunalmain tranter las persunas responsablas per il BCM dals posts da servetsch, dals departaments e dal Stab directiv chantunal
- Identifitgar e valitar las ristgas en collavuraziun cun ils secturs spezials
- Eruir las resursas ed ils process critics
- Sviluppar strategias ed elavurar plans d'urgenza per segirar la cuntinuitad dal manaschi
- Realisar scolaziuns e furmaziuns supplementaras ed iniziar exercizis d'urgenza dal BCM
- Sviluppar vinavant il sistem da business continuity management (process da meglieraziun permanent)
Quai che nus giavischain da Vus
- Studi universitar (tecnic u da l'economia da manaschi) terminà
- Experientscha professiunala en ils secturs dal business continuity management dal management da las ristgas
- Scolaziun approfundada en il management da las ristgas e dals process u ina scolaziun renconuschida sco spezialista u spezialist da BCM
- Fitg bun dun receptiv, demananza segira, abilitad da supportar squitsch e da lavurar en in team sco er moda da lavurar cumplessiva, precisa ed orientada a soluziuns
- Abilitad per elavurar concepts cumplessivs
- Abilitads concepziunalas per planisar e per realisar scolaziuns
- Fitg bunas abilitads communicativas e forza da persvader
Nus ans legrain da Vossa annunzia online e da far Vossa enconuschientscha.