Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'Uffizi per la segirezza da victualias e per la sanadad d'animals è responsabel per l'execuziun da la Lescha da victualias e da la Lescha davart epidemias d'animals en Grischun ed en Glaruna. Latiers tutga er il cumbat cunter epidemias d'avieuls. Il volumen da lavur è different da stagiun a stagiun ed importa circa 600 uras per onn.
Per l'Uffizi per la segirezza da victualias e per la sanadad d'animals tschertgain nus per il 1. d'october 2024 u tenor cunvegna ina cumissaria u in cumissari d'avieuls
Voss champ d'incumbensas
- Cussegliaziun pertutgant las malsognas d'avieuls e sustegn al post spezialisà Epidemias d'animals en il cumbat cunter epidemias d'avieuls
- Direcziun spezialisada e persunala dals assistents spezialisads uffizials Avieuls (17 persunas) en ils chantuns Grischun e Glaruna
- Coordinaziun e controlla da las activitads dals assistents spezialisads uffizials Avieuls e substituziun
- Controllas da la producziun primara da tscherts apiculturs
- Controlla dals rendaquints dals assistents spezialisads uffizials Avieuls
- Organisaziun da curs d'instrucziun e da perfecziunament
Quai che nus giavischain da Vus
- Enconuschientschas spezialas en ils fatgs d'apicultura
- Scolaziun renconuschida sco assistent spezialisà uffizial Avieuls (AFA Bi) u la prontezza d'absolver quella
- Chapientscha per process
- Bunas enconuschientschas da l'informatica e flair per lavurs administrativas
- Enconuschientschas dal talian èn d'avantatg
Nus ans legrain da Vossa annunzia online e da far Vossa enconuschientscha.