Spezialista u spezialist da sistems dad ICT per la gestiun d'applicaziuns

Uffizi d'informatica | 40–100 % | Cuira

S'annunziar online
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront per gidar a sviluppar la transfurmaziun digitala? Sco center da servetschs e da cumpetenza per la IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.

Nus sco Uffizi d'informatica tschertgain perquai per immediat u tenor cunvegna ina spezialista u in spezialist da sistems dad ICT per la gestiun d'applicaziuns.

Tes champ d'incumbensas

  • Tegnair en funcziun las applicaziuns spezialas en collavuraziun cun nossa clientella e noss furniturs
  • Planisar ed installar novas applicaziuns spezialas
  • Cussegliar e sustegnair las persunas responsablas per las applicaziuns tar l'integraziun da lur utilisaziuns spezialas
  • Collavurar tar projects da clientas e clients
  • Garantir ils process relevants, las interfatschas ed ils standards definids

Quai giavischain nus da tai

  • Scolaziun u furmaziun supplementara en informatica ubain experientscha en la gestiun tecnica d'applicaziuns
  • Fitg bunas enconuschientschas ed experientscha pratica da Windows Server; enconuschientschas da Linux èn d'avantatg
  • In pensar cumplessiv ed analitic sco er ina moda da lavurar structurada ed orientada al team
  • Persunalitad independenta e fidada cun senn per qualitad e cun atgna iniziativa, abilitad organisatorica e perseveranza 
  • La prontezza da far tscherts servetschs ordaifer il temp da lavur regular
  • Bunas enconuschientschas a bucca ed en scrit dal tudestg

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Uffizi d'informatica
Rosenweg 4
7001 Cuira
Sche ti has dumondas davart il process da recrutaziun, contactescha Heinz Patt, responsabel per il persunal, sut il numer da telefon 081 257 31 71.
Nus ans legrain da tia annunzia online e d'emprender d'enconuscher tai.
S'annunziar online