Lavurar là, nua che auters fan vacanzas
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist uschè variada sco nossa cuntrada.
Es ti pront da far il pass sin il proxim stgalim da tia carriera e da daventar ina part d'in team dinamic ch'è orientà al futur? Tar la Polizia chantunala dal Grischun avrin nus la porta d'in mund plain pussaivladads e nua che la passiun e la excellenza stattan en il center. Nus essan a la tschertga da persunas creativas che n'han betg mo gugent sfidas, mabain ch'èn er prontas d'extender ils cunfins dal pussaivel. Ve tar nus e concepescha il futur cun la Polizia chantunala dal Grischun.
Tes champ d'incumbensas
- La ICT da la Polizia chantunala dal Grischun surveglia e gestiunescha ils sistems e las applicaziuns spezialas per las organisaziuns da segirezza.
- Sco spezialista u spezialist da sistems dad ICT es ti cumpetenta u cumpetent per manar e per sviluppar vinavant senza incaps nossa infrastructura ibrida dad IT. Tes focus è spezialmain drizzà sin sistems virtualisads da Linux e da Windows.
- Tar tias ulteriuras incumbensas tutga l'administraziun da tecnologias d'access a la rait ed ils sistems VolP. En projects gidas ti a sviluppar vinavant soluziuns dad ICT en tes champ spezial.
- Ultra da quai es ti pronta u pront da far periodicamain servetsch da pichet.
Quai giavischain nus da tai
- Per questa lavur multifara dovri ina persunalitad independenta e fidada che lavura gugent en in team.
- Er sut squitsch da temp es ti abla u abel da liquidar las incumbensas en moda structurada ed exacta.
- Ti has terminà in emprendissadi d'informatica ed absolvì en il cas ideal ina furmaziun supplementara sco tecnicista u tecnicist SSS d'informatica.
- Plinavant has ti enconuschientschas pli profundas da servers, dal management da sistems e da raits da Linux e da Windows.
- Experientschas cun soluziuns da virtualisaziun e cun ils sistems operativs da Microsoft actuals èn d'avantatg.
- In pensar cumplessiv, ina moda da lavurar fidada ch'è orientada al team sco er enconuschientschas en il sectur da la security cumpletteschan tes profil.
Ultra da quai ta purschain nus
- In'activitad pretensiusa e variada en in team cumprovà
- Participaziun a projects captivants
- Infrastructura moderna ed equipament modern dad IT
- Diversitad ed inclusiun
- Engaschament persistent
- Cultura da feedback
Sche ti has ina moda da lavurar structurada e precisa sco er ina gronda prontezza a l'acziun, ans legrain nus da tia annunzia. Concepescha en moda activa il futur da la ICT tar la Polizia chantunala dal Grischun.
Nus ans legrain da tia annunzia online e d'emprender d'enconuscher tai.