Uffizi da persunal
Steinbruchstrasse 18
7000 Cuira

Sco uffizi interdisciplinar procura l'Uffizi da persunal ch'il chantun Grischun saja in patrun attractiv e modern e che las persunas superiuras da l'administraziun chantunala chattian cundiziuns generalas per ina buna direcziun e per bunas prestaziuns da las collavuraturas e dals collavuraturs.

Voss champ d'incumbensas: En questa funcziun essas Vus cunresponsabla u cunresponsabel per l'elavuraziun mensila da las pajas da l'administraziun chantunala cun circa 4300 collavuraturas e collavuraturs en differents lieus da las trais regiuns linguisticas dal Grischun. Vus essas cumpetenta u cumpetent per elavurar las assicuranzas socialas, las assicuranzas da persunas sco er las contribuziuns a la cassa da pensiun da las collavuraturas e dals collavuraturs. Ultra da quai sustegnais Vus il team tar la realisaziun da las lavurs da clusiun dal quint annual ed accumpagnais ils process da revisiun. Vus elavurais dumondas dals uffizis e gidais la partiziun a registrar ed ad elavurar las datas persunalas en il program Abacus. En projects gidais Vus a concepir ils process futurs da las resursas umanas da l'Uffizi da persunal.

Voss profil: Per che Vus possias prender per mauns questas incumbensas en moda cumpetenta, avais Vus gia experientscha professiunala en la contabilitad da pajas ed en il sectur da persunal. Plinavant avais Vus fatg ina furmaziun supplementara respectiva. Vus essas fitg versada u versà en l'utilisaziun dal computer ed avais ina gronda affinitad per il mund digital. Enconuschientschas pli profundas dal program da pajas Abacus èn d'avantatg. Vus essas abla u abel da supportar squitsch, avais las medemas finamiras sco il team, vivais l'idea da prestar servetschs e stimais ina communicaziun averta. Ina moda da lavurar exacta, fidada ed orientada a las soluziuns sa chapescha per Vus da sez. Grazia a Vossa tenuta flexibla e grazia a Voss dun receptiv svelt essas Vus averta u avert per novas situaziuns.

Nus As purschain in champ d'incumbensas captivant e varià en il sectur da las finanzas da l'Uffizi da persunal. Ina introducziun conscienziusa en la lavur, cundiziuns d'engaschament modernas sco er ina plazza da lavur cun ina infrastructura actuala e pussaivladads da perfecziunament attractivas As spetgan.

Noss team sa legra da cooperaturas e cooperaturs carismatics e decidids. Avain nus sveglià Voss interess? Lura ans legrain nus d'emprender d'enconuscher Vus persunalmain.