L'administraziun chantunala – ina patruna moderna per collavuraturas motivadas e collavuraturs motivads sco Vus.

scheffa u schef dal Servetsch giuridic (80–100 %)

Incumbensas: Vus manais il Servetsch giuridic da la Polizia chantunala dal Grischun e cussegliais las collavuraturas ed ils collavuraturs da la Polizia chantunala en fatgs dal dretg da polizia. Vus As occupais da las instrucziuns da servetsch dal cumandant, preparais disposiziuns, elavurais proceduras disciplinaras e redigis posiziuns. Plinavant essas Vus, sco persuna responsabla per la protecziun da datas, cumpetenta u cumpetent per l'execuziun da la protecziun da datas. Vus manais projects interdisciplinars u As participais a gruppas da project. Vus vegnis er a surpigliar scolaziuns internas ed externas.

Voss profil: Questa funcziun multifara e viva premetta in diplom universitar da giurisprudenza, da preferenza cumplettà cun experientscha professiunala en la persecuziun penala, tar la polizia u en l'administraziun. Ultra da quai essas Vus ina persunalitad flexibla ch'è abla da lavurar sut squitsch, che s'orientescha al team, che sa communitgar e negoziar bain e ch'è buna da sa far valair. Vus avais ina buna expressiun en scrit per tudestg. Enconuschientschas dal rumantsch e dal talian èn d'avantatg. Fitg bunas abilitads organisatoricas, concepziunalas ed analiticas sco er ina moda da lavurar effizienta ed independenta cumpletteschan Voss profil.