L'administraziun chantunala – ina patruna moderna per collavuraturas motivadas e collavuraturs motivads sco Vus.

persuna responsabla per ils avieuls e per l'apicultura (60–100 %)

Plantahof
Kantonsstrasse 17
7302 Landquart

Voss champ d'incumbensas: Il Plantahof è il center agricul da furmaziun e da cussegliaziun per ils chantuns Grischun e Glaruna. Il Plantahof è er il lieu da furmaziun per spezialistas e spezialists d'apicultura e tgira agens pievels d'avieuls ed in'atgna tratga da reginas. Sco persuna responsabla per l'apicultura tgirais Vus var 50 pievels d'avieuls e la tratga da reginas. Ultra da quai intermediais Vus l'apicultura en curs da furmaziun supplementara a persunas ch'emprendan da nov il mastergn ed ad apiculturas ed apiculturs cun experientscha. Las enconuschientschas spezialas davart ils avieuls da mel, davart ils avieuls selvadis sco er davart auters insects impollinaders integrais Vus en la scolaziun e furmaziun supplementara agricula sco er en la cussegliaziun.

Voss profil: En il cas ideal avais Vus absolvì ina scolaziun sco apicultura u apicultur cun attestat professiunal federal. Ultra da quai avais Vus experientscha pratica da l'apicultura cun chaschas svizras e cun magasins svizzers sco er abilitads didacticas. Vus essas disada u disà da liquidar incumbensas en moda structurada ed independenta. L'organisaziun e la realisaziun da curs en la furmaziun da persunas creschidas As fa plaschair. Nus giavischain ina persuna cun ina gronda avertadad per differentas praticas d'apicultura e cun vastas cumpetenzas er ultra da l'avieul da mel. Vossa demananza simpatica ed integrativa duai procurar per in dialog constructiv cun l'agricultura e cun las federaziuns d'apiculturas e d'apiculturs.