L'administraziun chantunala – ina patruna moderna per collavuraturas motivadas e collavuraturs motivads sco Vus.
collavuratura u collavuratur en il team da pedels dal stabiliment da sport Sand
Uffizi per la furmaziun media-superiura / Scola chantunala grischuna
Arosastrasse 2
7000 Cuira
Voss champ d'incumbensas: Sco commembra u commember dal team da pedels essas Vus responsabla u responsabel per las incumbensas da nettegiament quotidianas en il sectur interiur (inclusiv il bogn cuvert) e per il sectur exteriurs da l'entir stabiliment da sport Sand. Vus avais la cunresponsabladad per il mantegniment dal material da sport e collavurais en il provediment ed en la dismessa. Vus sustegnais professiunalmain il pedel en differentas lavurs da mantegniment e gidais a cultivar il tschispet e las plazzas da sport en il liber. L'assistenza da las utilisadras e dals utilisaders externs, sco per exempel d'uniuns da sport, e l'accumpagnament d'occurrenzas en scola ed ordaifer la scola sin il stabiliment, er ordaifer il temp da lavur usità, fan medemamain part da Vossas incumbensas. Sco commembra u commember dal team da pedels surpigliais Vus en cas da basegn lavurs en ils auters edifizis da la Scola chantunala grischuna.
Voss profil: Vus avais terminà in emprendissadi artisanal e tecnic, en il cas ideal sco spezialista u spezialist per il mantegniment dal manaschi AFP u AFQ. Vus essas abla u abel da lavurar en in team, essas communicativa u communicativ ed avais plaschair dal contact cun giuvenils. Vus avais ina moda da lavurar fidada, essas independenta u independent e flexibla u flexibel. La prontezza da lavurar regularmain la saira e durant las fins d'emna premettain nus per questa plazza.
Sco collavuratura u collavuratur a la Scola chantunala grischuna trilingua cumpletteschan enconuschientschas d'ina segunda lingua chantunala Voss profil.
Grad d'occupaziun: 100 %, ina partiziun sin duas plazzas cun in grad d'occupaziun da mintgamai 50 % è pussaivla
Cumenzament da la lavur: 1. da december 2023
Lieu da lavur: Cuira
Termin d'annunzia: 5 d'october 2023
Persuna da contact: Reto Padrutt, manader da la Logistica, telefon 081 257 51 63, reto.padrutt@bks.gr.ch