L'administraziun chantunala – ina patruna moderna per collavuraturas motivadas e collavuraturs motivads sco Vus.

inspectura u inspectur da scola (80 %)

Voss champ d'incumbensas: Sco inspectura u inspectur da scola collavurais Vus en il rom dal giudicament e da la promoziun da scolas. Ultra da quai essas Vus cumpetenta u cumpetent per la cussegliaziun spezialisada en dumondas pedagogicas e didactic-metodicas sco er en dumondas da la planisaziun da scola. Tar Voss champ d'incumbensas tutgan er la cooperaziun a lavurs da concept ed a lavurs administrativas sco er l'evaluaziun d'instituziuns da la scolaziun speziala.

Voss profil: Vus avais terminà ina scolaziun sco persuna d'instrucziun ed avais fatg scolaziuns supplementaras en il sectur pedagogic, da preferenza en il sectur da la pedagogia speziala. Cumpetenzas metodologicas en il management da projects ed enconuschientschas dal svilup d'organisaziuns èn d'avantatg. Premessas vegnan l'abilitad da lavurar en in team, ina gronda cumpetenza communicativa e sociala, l'abilitad da supportar squitsch e forza da persvader, ina buna expressiun a bucca ed en scrit per tudestg sco er enconuschientschas da las tecnologias d'infurmaziun. Bunas enconuschientschas d'ina segunda lingua chantunala cumpletteschan Voss profil.