L'administraziun chantunala – ina patruna moderna per collavuraturas motivadas e collavuraturs motivads sco Vus.
pedella u pedel cun certificat professiunal federal (80–100 %)
Uffizi per la furmaziun media-superiura / Scola chantunala grischuna
Arosastrasse 2
7000 Cuira
Voss champ d'incumbensas: Sco pedella u pedel essas Vus responsabla u responsabel per la tgira e per il mantegniment da las immobiglias e dals stabiliments al liber en in dals trais lieus sin il campus da la Scola chantunala grischuna. Vus regulais e survegliais la tecnica d'edifizis, faschais las lavurs da mantegniment e coordinais las incumbensas cun firmas externas. En Vossas incumbensas principalas organisais e realisais Vus ils nettegiaments quotidians ed annuals e manais las collavuraturas ed ils collavuraturs da nettegiament. Vus essas responsabla u responsabel per il sustegn tecnic e logistic en cas d'occurrenzas en scola ed ordaifer la scola, er ordaifer il temp da lavur usità. Sco instructura u instructur pratic sustegnais Vus nossas emprendistas e noss emprendists en la scolaziun da la pratica professiunala.
Voss profil: Vus possedais in certificat professiunal federal sco pedella u pedel u in certificat professiunal en ina professiun artisanala e tecnica ed avais intgins onns experientscha professiunala. Vus essas ina persunalitad positiva, communicativa ed averta che appreziescha il contact cun differentas gruppas da las utilisadras e dals utilisaders d'ina scola. Vus lavurais gugent en moda independenta ed essas ina persuna flexibla. Per questa plazza premettain nus la prontezza per in sustegn vicendaivel en il team da pedellas e pedels.
Sco collavuratura u collavuratur a la Scola chantunala grischuna trilingua cumpletteschan enconuschientschas d'ina segunda lingua chantunala Voss profil.
Grad d'occupaziun: 80–100 %
Cumenzament da la lavur: 1. da november 2023 u tenor cunvegna
Lieu da lavur: Cuira
Termin d'annunzia: 5 d'october 2023
Persuna da contact: Reto Padrutt, manader da la Logistica, telefon 081 257 51 63, reto.padrutt@bks.gr.ch