Uffizi d'informatica dal Grischun

Rosenweg 4

7001 Cuira

Tar l'Uffizi d'informatica pos ti gidar a concepir la transfurmaziun digitala. Sco purschider central da servetschs dad IT da l'administraziun chantunala dal Grischun mettain nus a disposiziun a nossa clientella ina infrastructura dad IT moderna che duai esser disponibla da tuttas uras. Vuls ti t'engaschar en moda activa e daventar part d'in team cumpetent che collavura fitg bain?

Tes champ d'incumbensas: L'Uffizi d'informatica è il post central dals servetschs d'informatica per l'administraziun chantunala. Per realisar il program da la nova plazza da lavur digitala sin basa da Microsoft 365 porscha la partiziun Gestiun da l'informatica ina plazza da praticum sco PMO Digital Collaboration. La plazza cumpiglia las incumbensas d'in project management office (PMO) e sustegna en spezial la direcziun dal project e dal program M365 en las lavurs da planisaziun, da coordinaziun sco er da communicaziun per la nova plazza da lavur digitala. Supplementarmain sustegnas ti en questa rolla er l'elavuraziun da la documentaziun da process, la creaziun/actualisaziun da paginas da communicaziun e gidas tar la preparaziun da projects da decisiun.

Tias cumpetenzas: Ti studegias cun la direcziun da studi informatica, economia, medias, scienza d'infurmaziun u sumegliant e vuls gugent cumbinar tia savida cun in praticum a temp parzial. Ti disponas en il cas ideal gia d'emprimas enconuschientschas en ils secturs management da projects e Microsoft 365. Ti es motivada u motivà d'approfundar questas enconuschientschas en in team e da rimnar uschia ulteriuras experientschas praticas. Ultra da quai has ti ina expressiun segira en tudestg sco er ina moda da lavurar structurada, in bun dun receptiv e la prontezza da t'engaschar.

Nus purschain furmas da lavur modernas sco lavur parziala e homeoffice ed er la pussaivladad da retrair fin duas emnas vacanzas supplementaras. La cumpatibilitad da la professiun cun la famiglia vegn sustegnida. Campagnas che promovan la sanadad e numerusas pussaivladads da perfecziunament cumpletteschan nossa purschida. 

Avain nus sveglià tes interess?

Grad d'occupaziun: 40–100 %

Cumenzament da la lavur: immediatamain u tenor cunvegna

Lieu da lavur: Cuira

Termin d'annunzia: 30 da settember 2023

Persuna da contact: Mario Eugster, 081 257 31 64, mario.eugster@afi.gr.ch