Uffizi da sanadad

Hofgraben 5

7000 Cuira

La Centrala dal clom d'agid sanitar 144 Grischun (Centrala 144 GR) è situada en las localitads da la Centrala chantunala d'alarm ensemen cun la Polizia chantunala dal Grischun. En questa centrala d'alarm vegnan prendids encunter tut ils cloms dal chantun Grischun a las lingias d'urgenza 112 / 117 / 118 e 144.

Voss champ d'incumbensas: Sco emprima persuna da consultaziun per cas medicinals d'urgenza prendais Vus encunter – en il servetsch da squadra e da fin d'emna (24 uras / 7 dis) – ils cloms d'alarm, elavurais quests cloms tenor standards fixs, assistis las persunas che alarmeschan, alarmais e coordinais ils servetschs da salvament chantunals u ulteriuras organisaziuns a glisch blaua. Per questa lavur avais Vus il sustegn d'applicaziuns d'informatica spezialas. Supplementarmain a l'accumpagnament, a la cussegliaziun ed al sustegn telefonic da las persunas che tschertgan agid intermediais Vus medis, dentists ed apotecas per cas d'urgenza. Ultra da quai coordinais Vus ils transports da dischlocaziun e liquidais diversas lavurs administrativas.

Voss profil: Nus tschertgain Vus, ina persunalitad allegra, cumpetenta ed empatica ch'è pronta da sa sviluppar vinavant. Vus essas sanitaria u sanitari da salvament dipl. SSS, tgirunza u tgirunz dipl. SSS, sanitaria u sanitari d'ambulanza cun attestat professiunal federal ubain assistenta u assistent da pratica medicala (cun experientscha professiunala d'almain 6 onns).

Affinitad en l'applicaziun dal computer vegn premessa. Ultra da bunas enconuschientschas dal tudestg avais Vus enconuschientschas a bucca dal talian e/u da l'englais. 

Vus essas ina persuna communicativa e dinamica, chapis svelt la situaziun e mantegnais la survista en situaziuns cumplexas ed en process che han lieu il medem mument. Grazia a Voss talent organisatoric agis Vus en moda professiunala e cun cleras finamiras. Vus essas abla u abel da supportar squitsch psichic ed essas pronta u pront d'ademplir – ensemen cun in team – las incumbensas variadas. Suenter 4 onns essas Vus pronta u pront da far l'examen professiunal da disponenta u disponent da centrala d'alarm (il patrun surpiglia ils custs).

Voss patrun: A Vus spetga ina lavur variada cun almain 5 emnas vacanzas, cun ina introducziun da 3 mais e cun in lieu da lavur central en la citad da Cuira. Per il bainstar da nossas pazientas e da noss pazients lavurain nus da tuttas uras – per quest engaschament survegnis Vus generus supplements da squadra. Sin Vossa via persunala As sustegnain nus cun differentas scolaziuns e furmaziuns supplementaras sco er cun curs da lingua.

Saja quai a temp parzial u a temp cumplain – nus essan flexibels, per che Vus possias er esser quai.

Cumpatibilitad da la famiglia cun la professiun? En mintga cas! Nus elavurain plans da servetsch che sustegnan la cumpatibilitad da la professiun cun la famiglia e che vegnan publitgads 2 mais ordavant.

Grad d'occupaziun: 80–100 %

Cumenzament da la lavur: 1. da favrer 2024 u tenor cunvegna

Lieu da lavur: Cuira

Termin d'annunzia: 15 d'october 2023

Persuna da contact: Sergio Marino Calabresi, telefon 081 257 78 01

Per Voss documents d'annunzia online duvrai la suandanta adressa dad e-mail: sergio.calabresi@144.gr.ch.

Per eventualas dumondas As drizzai a Sergio Marino Calabresi, manader dal Clom d'agid sanitar 144 Grischun, telefon 081 257 78 01.