L'administraziun chantunala – ina patruna moderna per collavuraturas motivadas e collavuraturs motivads sco Vus.

collavuratura u collavuratur per l'assistenza da requirentas e requirents d'asil sco er da persunas minorennas betg accumpagnadas per il center da transit Landhaus a Tavau (60-100 %)

Voss champ d'incumbensas: En il center da transit Landhaus surpigliais Vus incumbensas da l'administraziun, da l'assistenza, da l'occupaziun sco er dal servetsch da chasa e da sanadad. Vossas incumbensas principalas èn il sustegn, l'accumpagnament e la promoziun da las requirentas e dals requirents d'asil minorens betg accumpagnads per dumagnar il mintgadi. En quest connex intermediais ed exercitais Vus bleras cumpetenzas da basa ch'èn indispensablas per l'independenza dals giuvenils pli tard. Vus chattais la fidanza dals giuvenils ed essas ina persuna da contact impurtanta per tut las situaziuns da vita. Vus sustegnais las autras collavuraturas ed ils auters collavuraturs sco er la direcziun dal center en tut las lavurs che resultan là. En Vossa persuna unis Vus bleras abilitads: dal management da crisas fin a cumpetenzas medicinalas generalas. Plinavant appreziais Vus in manaschi animà cun umans da tut las classas da vegliadetgna e da differentas culturas. Vus essas pronta u pront d'organisar activitads ordaifer las uras da lavur usitadas.

Voss profil: Vus avais terminà ina scolaziun da basa en pedagogia sociala ubain ina scolaziun equivalenta ed avais passa 30 onns. Vus stimais ina moda da lavurar independenta cun giuvenils da 14 fin 20 onns che derivan d'autras culturas. Vus als instruis en lur mintgadi, essas abla u abel da far ina punt tranter lur origin ed il mintgadi en Svizra ed als gidais cun pled e fatg. Vus appreziais ina moda da lavurar independenta e flexibla ed avais ina buna expressiun a bucca ed en scrit. Ultra da quai enconuschais Vus ils programs da computer ils pli frequents. Vossa flexibilitad e Vossa abilitad da lavurar en in team, Vossas enconuschientschas da linguas estras sco er il permiss da manischar autos da persunas cumpletteschan Voss profil.