L'administraziun chantunala – ina patruna moderna per collavuraturas motivadas e collavuraturs motivads sco Vus.

manadra u manader da project per il return dals implants e per la forza idraulica (80–100 %)

Voss champ d'incumbensas: Per rinforzar il team existent collavurais Vus a la realisaziun da la Strategia grischuna concernent la forza idraulica sco er a proceduras dal dretg da las auas. Sco manadra u manader da project tgirais Vus differents returns dals implants e differentas renovaziuns da las concessiuns d'ovras idraulicas. Ensemen cun las vischnancas coordinais Vus las lavurs, sviluppais propostas da soluziun ed essas la persuna da contact per ils partenaris da l'industria. Ultra d'elavurar independentamain ed effizientamain las differentas proceduras dal dretg da las auas ed ils differents returns dals implants, represchentais Vus il chantun en differentas cumissiuns.

Voss profil: Vus avais terminà in studi universitar u d'ina scola auta spezialisada en direcziun economia da construcziun u economia d'energia, d'avantatg cun enconuschientschas giuridicas supplementaras. Experientscha professiunala da plirs onns en il sectur da l'energia sco er experientscha d'elavurar independentamain dumondas concepziunalas vegnan premessas. Vus essas interessada u interessà da collavurar en moda interdisciplinara ed avais dun da contractar ed inschign en il contact cun autoritads e cun federaziuns. Vus savais fitg bain tudestg en scrit ed a bucca. Bunas enconuschientschas dal rumantsch u dal talian èn d'avantatg.