L'administraziun chantunala – ina patruna moderna per collavuraturas motivadas e collavuraturs motivads sco ti.
inschignera u inschigner da sistem ICT per la plattafurma da servetschs M365 (80–100 %)
Uffizi d'informatica
Rosenweg 4
7001 Cuira
Tar l'Uffizi d'informatica pos ti gidar a concepir la transfurmaziun digitala. Sco purschider central da servetschs dad IT da l'administraziun chantunala dal Grischun mettain nus a disposiziun a nossa clientella ina infrastructura dad IT moderna che duai esser disponibla da tuttas uras. Vuls ti ta far valair en moda activa e daventar part d'in team cumpetent che collavura fitg bain?
Tes champ d'incumbensas:
- elavurar e sviluppar vinavant la plattafurma da servetschs Microsoft 365 sco basa per la nova plazza da lavur digitala da l'administraziun chantunala
- collavurar, coordinar e realisar projects en il sectur da la plattafurma da servetschs M365
- surpigliar la responsabladad tecnica per singulas cumponentas da funcziun, per l'administraziun e sviluppar vinavant la plattafurma da servetschs M365
- collavurar per garantir il funcziunament e las lavurs da mantegniment dals servetschs da basa actuals da Microsoft On-Premise
- collavurar per meglierar, per definir e per garantir ils process, las interfatschas ed ils standards prescrits
Tias cumpetenzas:
- scolaziun u furmaziun supplementara en il sectur da l'informatica tecnica (SSS, SAS u scola equivalenta)
- bunas enconuschientschas ed experientscha dal funcziunament dals servers Windows, On-Premise e/u da la plattafurma da servetschs M365
- persunalitad autonoma e fidada ch'è orientada fermamain a la clientella ed als servetschs in pensar cumplessiv ed analitic sco er ina moda da lavurar structurada ed orientada al team
Nus purschain furmas da lavur modernas sco lavur parziala e homeoffice ed er la pussaivladad da retrair fin duas emnas vacanzas supplementaras. La cumpatibilitad da la professiun cun la famiglia vegn sustegnida. Campagnas che promovan la sanadad e numerusas pussaivladads da perfecziunament cumpletteschan nossa purschida.
Avain nus sveglià tes interess?
Grad d'occupaziun: 80–100 %
Cumenzament da la lavur: 1. da schaner 2024 u tenor cunvegna
Lieu da lavur: Cuira
Termin d'annunzia: 27 d'avust 2023
Contact per dumondas: Paul Gehring, paul.gehring@afi.gr.ch, 081 257 32 57