L'administraziun chantunala – ina patruna moderna per collavuraturas motivadas e collavuraturs motivads sco Vus.

referendaria tecnica u referendari tecnic per la cultivaziun dal guaud (60–100 %)

Voss champ d'incumbensas: Vus sustegnais nossa manadra dal sectur Planisaziun dal guaud e reviers forestals sco er noss manader dal sectur Guaud da protecziun ed ecologia forestala tar l'execuziun da lur incumbensas e manais projects en moda independenta. Tranter auter gidais Vus a realisar ils plans da manaschi actuals ed a sviluppar novs plans da manaschi. Plinavant elavurais Vus fatschentas dal sectur specific dals reviers e dals manaschis forestals ed analisais indicaturs da l'economia forestala. Vus tractais dumondas concernent l'adattaziun da la cultivaziun dal guaud a la midada dal clima, preparais infurmaziuns da basa per decisiuns selviculturalas ed elavurais concepts correspundents.

Voss profil: Vus essas inschignera forestala u inschigner forestal SPF/SAS, selvicultura u selvicultur SSS u avais terminà ina scolaziun forestala equivalenta. Vossa experientscha e Voss interess per incumbensas e per dumondas che pertutgan la cultivaziun dal guaud, la planisaziun forestala e l'economia da manaschi As distinguan gist uschia sco Voss pensar analitic e cumplessiv e Vossa moda da lavurar conscienziusa ed effizienta. Vus savais lavurar fitg bain cun applicaziuns dad IT e cun ArcGIS. Vus savais perfetgamain tudestg a bucca ed en scrit. Giavischadas vegnan er enconuschientschas linguisticas dal rumantsch e/u dal talian.