L'administraziun chantunala – ina patruna moderna per collavuraturas motivadas e collavuraturs motivads sco Vus.

assistenta u assistent da l'Atelier d'emprendissadi per la creaziun da vestgadira (40–60 %)

Voss champ d'incumbensas: Sco assistenta u assistent da l'Atelier d'emprendissadi per la creaziun da vestgadira tar l'Uffizi per la furmaziun professiunala cooperais Vus a la scolaziun pratica professiunala da trais fin tschintg emprendistas ed emprendists tenor l'Ordinaziun da furmaziun. Plinavant essas Vus cunresponsabla u cunresponsabel per l'acquisiziun e per la realisaziun da las empustaziuns da la clientella (fabricaziuns novas e midadas) sco er per la cussegliaziun e per l'assistenza da la clientella. In'ulteriura part da Vossa lavur è la substituziun da la manadra da l'Atelier d'emprendissadi.

Voss profil: Ultra dal diplom sco creatura u creatur da vestgadira AFQ avais Vus experientscha professiunala en quest sectur. Vus enconuschais las tecnicas d'elavuraziun da l'Ordinaziun da furmaziun actuala. Vus avais plaschair da dar vinavant a las emprendistas ed als emprendists Vossas enconuschientschas professiunalas e metodicas, avais ina conscienza per la qualitad, in sensori per la moda e restais calma u calm er en situaziuns hecticas. Ultra d'enconuschientschas dal tudestg èn enconuschientschas d'ina segunda lingua chantunala (ed eventualmain er da la terza) bainvegnidas en questa funcziun.