referendaria u referendari per ils servetschs spezials Polizia criminala (80–100 %)

Voss champ d'incumbensas: Ils servetschs spezials Polizia criminala èn responsabels per cumbatter il commerzi illegal cun drogas ed il commerzi cun umans. En il center da Vossa activitad stattan la retschertga e l'inquisiziun en ils secturs da la criminalitad da narcotics qualifitgada sco er dal milieu/commerzi cun umans. L'analisa da datas e d'infurmaziuns per identifitgar persunas suspectadas e la percepziun da connexs fan part da Voss champ d'incumbensas, gist uschia sco la preparaziun d'actas da retschertga e d'inquisiziun e l'elavuraziun da rapports. Durant ils muments che Vus n'elavurais betg agens cas criminals, accumpagnais e sustegnais Vus las referendarias ed ils referendaris dals cas en las regiuns tar lur retschertgas e dumondas specificas. La cooperaziun a la scolaziun ed a la furmaziun supplementara entaifer il corp, la participaziun a gruppas da lavur sco er servetschs da notg e da fin d'emna fan medemamain part da Vossas incumbensas.

Voss profil: Vus avais terminà ina scolaziun sco polizista u polizist cun attestat professiunal federal ed avais experientscha en l'activitad da la polizia criminala. Ultra d'in bun sensori en fatgs da la polizia criminala avais Vus enconuschientschas en l'applicaziun da sistems d'infurmaziun e da bancas da datas da la polizia. Vus essas versada u versà en ir enturn cun retschertgas voluminusas e cumplexas. Vus avais atgna iniziativa, essas ina persuna fidabla ed avais senn da responsabladad. Sco persunalitad flexibla e motivada ch'è abla da supportar squitsch e da lavurar en in team avais Vus ina sauna capacitad d'As far valair. Bunas abilitads communicativas a bucca ed en scrit vegnan premessas, enconuschientschas da linguas estras èn d'avantatg. La prontezza da sa participar ad acziuns ordaifer las uras da lavur regularas sco er da prestar servetsch da pichet e da fin d'emna cumplettescha Voss profil.