L'administraziun chantunala – ina patruna moderna per collavuraturas motivadas e collavuraturs motivads sco Vus.

persuna spezialisada responsabla per la registraziun medicinala tempriva da persunas dal sectur d'asil (80–100 %)

Voss champ d'incumbensas: Sco persuna spezialisada ch'è responsabla per la registraziun medicinala tempriva da persunas dal sectur d'asil, essas Vus cumpetenta u cumpetent per concepir e per stabilir ina nova purschida da cussegliaziun e d'emprim scleriment per persunas dal sectur d'asil, e quai en vista a lur process d'integraziun. Questa purschida nunbirocratica serva ad identifitgar a temp las sfidas da la sanadad e per las clientas ed ils clients vegnan organisadas a temp mesiras adequatas. Vus realisais en atgna responsabladad uras da consultaziun pertutgant la sanadad, cussegliais las clientas ed ils clients, faschais triaschas ed assegnais las clientas ed ils clients ad instituziuns cunvegnentas. Vus documentais ils cas e procurais ch'ils posts relevants da la collocaziun e da la promoziun da l'integraziun survegnian las infurmaziuns necessarias.

Voss profil: Vus disponis d'in diplom da tgirunza u tgirunz ed avais intgins onns experientscha professiunala en il sectur da malsognas psichicas e da traumas. Experientscha pratica d'ir enturn cun persunas dal sectur d'asil èn d'avantatg. Ultra da quai avais Vus cumpetenzas en la planisaziun, en la direcziun ed en l'evaluaziun da projects sco er en la collavuraziun interdisciplinara. Vus essas ina persunalitad iniziativa ch'è orientada a soluziuns e lavurais gugent en moda independenta, ma er en il team. Vus lavurais gugent cun umans da differenta derivanza, avais plaschair da contacts, essas ina persunalitad communicativa ed avais in dun da contractar. Enconuschientschas dals fatgs dal chantun, interess per dumondas da la politica sociala e bunas cumpetenzas en l'applicaziun dal computer sco er enconuschientschas da linguas estras cumpletteschan Voss profil.