L'administraziun chantunala – ina patruna moderna per collavuraturas motivadas e collavuraturs motivads sco Vus.

collavuratura scientifica u collavuratur scientific (80 %)

Voss champ d'incumbensas: Vus sustegnais il manader da l'uffizi e las direcziuns da las partiziuns tar differentas incumbensas organisatoricas ed administrativas e collavurais en projects u manais quels. En spezial sustegnais Vus il manader da l'uffizi sco er las partiziuns en dumondas e novaziuns specificas davart la furmaziun fundamentala professiunala inclusiv ses furniturs da prestaziuns. Ensemen cun il manader da l'uffizi essas Vus responsabla u responsabel per realisar las finamiras da l'onn ed il controlling da l'uffizi. Ultra da quai formulais ed examinais Vus ils sbozs da disposiziuns sin tut ils stgalims e collavurais tar posiziuns e dumondas d'intervenziuns parlamentaras. Vus avais colliaziuns interchantunalas e chantunalas e tgirais contacts cun organisaziuns partenarias. Ultra da quai elavurais Vus basas concepziunalas sco er giuridicas en enclegientscha cun las prescripziuns da la Confederaziun e dal chantun.

Voss profil: Nus spetgain ina persunalitad cun ina moda da pensar cumplessiva e prospectiva che dispona da plirs onns experientscha professiunala ed enconuschientschas dal sistem da furmaziun svizzer, en spezial da la furmaziun professiunala. Vus avais terminà ina furmaziun fundamentala professiunala cun scolaziun cuntinuanta (scola auta spezialisada u scolaziun equivalenta). Vus avais la chapientscha necessaria per las relaziuns e per ils svilups politics ed economics en il chantun Grischun e pudais declerar connexs cumplexs resguardond l'adressata u l'adressat. Ina gronda prontezza da furnir prestaziuns e l'abilitad da supportar squitsch sco er ina demananza segira ed ina moda da lavurar en atgna responsabladad As distinguan. Ultra da quai avais Vus cumpetenzas da l'economia da manaschi sco er chapientscha per dumondas administrativas ed organisatoricas. Ultra d'in stil segir en tudestg èn enconuschientschas d'ina segunda lingua chantunala (eventualmain er da la terza) bainvegnidas en questa funcziun.