L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader dal bain puril dal Stabiliment giudizial Realta
Uffizi per l'execuziun giudiziala
Grabenstrasse 15
7001 Cuira
Voss champ d'incumbensas: Il Stabiliment giudizial Realta serva a l'execuziun averta dad umens tenor il Cudesch penal svizzer. En la funcziun sco manadra u manader dal bain puril As èn suttamess ils secturs da la tegnida d'animals cun manaschi d'alp, da la cultivaziun da cultiras e dad ers, da la pumicultura, dad ierts cun butia sco er dal lavuratori agrar. Sco persunalitad che pensa tenor princips d'interpresa essas Vus responsabla u responsabel per la direcziun da circa 20 collavuraturs sco er per l'ulteriur svilup dal bain puril, che s'orientescha a las finamiras ed a la strategia. Ensemen cun Voss team procurais Vus per ina relaziun professiunala e per in'occupaziun adattada da las var 40 persunas collocadas. Vus sustegnais la direcziun dal stabiliment tar l'ulteriur svilup dal stabiliment giudizial e collavurais en projects. Ultra da quai essas Vus commembra u commember dal cader dal stabiliment e surpigliais pichets en il servetsch d'assistenza e da segirezza.
Voss profil: Vus avais fatg in diplom federal sco agronoma u agronom, agrotecnicista u agrotecnicist, maistra pura u maister pur ubain ina scolaziun equivalenta ed avais experientscha professiunala da plirs onns. Las incumbensas interessantas e da responsabladad pretendan experientscha da direcziun cumprovada, enconuschientschas da l'economia da manaschi sco er in'applicaziun segira da programs da computer usitads. Vus essas ina persunalitad psichicamain stabila sco er cooperativa, avais blera sensibilitad, ina gronda cumpetenza sociala, abilitads communicativas, forza da persvader ed in bun dun organisatoric. In pensar analitic e cumplessiv tutga tar Vossas fermezzas. Il contact cun persunas da differentas culturas vesais Vus sco sfida positiva. Ultra da quai avais Vus ina conduita irreproschabla, avais il permiss da manischar da la categoria B ed essas pronta u pront d'absolver la scolaziun sco persuna spezialisada per l'execuziun giudiziala.
Grad d'occupaziun: 100 %
Cumenzament da la lavur: tenor cunvegna
Lieu da lavur: Cazas
Termin d'annunzia: 28 da matg 2023
Persunas da contact: Padruot Salzgeber, telefon 081 257 46 00 u Manuela Kassubek, telefon 081 257 52 61, personal@ajv.gr.ch / pagina d'internet: www.ajv.gr.ch