Departament da finanzas e vischnancas

Reichsgasse 35

7001 Cuira

Il Departament da finanzas e vischnancas cumpiglia sis posts da servetsch ed ademplescha incumbensas interdisciplinaras e multifaras entaifer l'administraziun chantunala. L'Uffizi da persunal è en quest connex responsabel per elavurar e realisar la politica e strategia da persunal e contribuescha al fatg, che l'administraziun chantunala ha sco patruna ina posiziun attractiva e progressiva. Sco futura manadra u futur manader da l'uffizi As spetga in champ d'incumbensas varià cun bleras pussaivladads da concepir e sviluppar. Plinavant purschain nus in ambient da lavur modern cun uras da lavur flexiblas, l'opziun da lavurar davent da chasa sco er pussaivladads da furmaziun supplementara attractivas. 

Voss champ d'incumbensas: En questa rolla centrala avais Vus la responsabladad per in management da persunal modern e confurm al temp e garantis, che la strategia da HR vegnia realisada e francada entaifer l'administraziun chantunala. Plinavant sustegnais Vus las persunas superiuras en lur activitad directiva e mettais a disposiziun instruments directivs moderns e Vus contribuis al fatg, che las valurs directivas e la cultura vegnian vividas en il mintgadi. La responsabladad generala per la recrutaziun, la salarisaziun, il management da prestaziun, il svilup da las collavuraturas e dals collavuraturs e da la direcziun sco er dumondas dal dretg da lavur cumpletteschan Voss champ d'incumbensas. En questa funcziun, ch'è suttamessa directamain al cusseglier guvernativ resp. al schef dal departament, avais Vus la responsabladad per la direcziun generala da l'Uffizi da persunal cun var 30 collavuraturas e collavuraturs ed essas en servetsch per 5 departaments cun tut en tut 39 posts da servetsch e var 4000 collavuraturas e collavuraturs.