L'administraziun chantunala – ina patruna moderna per collavuraturas motivadas e collavuraturs motivads sco Vus.

spezialista u spezialist per l'igiena da l'aria ed il clima (80–100 %)

Voss champ d'incumbensas: Sco manadra u manader da project per l'igiena da l'aria gidais Vus a realisar l'Ordinaziun davart la protecziun da l'aria (OPAria). Per quest intent survegliais Vus la situaziun da las immissiuns cun agid d'atgnas staziuns da mesiraziun fixas e cun agid da campagnas da mesiraziun specificas u sporadicas, evaluais las mesiraziuns e communitgais en moda adequata ils resultats da las mesiraziuns e manais il cataster chantunal d'emissiuns. Plinavant actualisais e realisais Vus il plan da mesiras chantunal per l'igiena da l'aria. En connex cun la contaminaziun da l'aria e cun il plan da mesiras essas Vus la persuna da contact per las dumondas da la populaziun, da la politica e da las medias. Per quests secturs tematics represchentais Vus il chantun Grischun tar la Confederaziun ed en gremis spezialisads chantunals. En il sectur specific dal clima sustegnais Vus la persuna responsabla per clima e persistenza ed essas participada u participà a la realisaziun da la strategia chantunala da clima sco er dal plan d'acziun Green Deal (AGD). En il rom da Vossa activitad tgirais Vus in contact specific e direct cun ils posts d'administraziun da la Confederaziun e dals chantuns sco er cun ils uffizis colleghials. Vus cooperais al servetsch da pichet da l'uffizi per eveniments che pertutgan l'ambient.

Voss profil: Per questa incumbensa multifara e pretensiusa possedais Vus in diplom d'ina scola auta u d'ina scola auta spezialisada. En il cas ideal avais Vus gia experientschas en il sectur da l'igiena da l'aria, da l'observaziun da l'ambient e da l'elavuraziun electronica da datas. Vus avais abilitads organisatoricas e communicativas ed essas ina persunalitad iniziativa che pensa tenor princips d'interpresa e che ha ina gronda prontezza a l'acziun. Plinavant As qualifitgais Vus tras independenza, tras cumpetenza sociala e tras ina demananza segira. Ultra da quai lavurais Vus en moda effizienta e structurada. Per pudair ademplir las incumbensas attribuidas a Vus vegni premess che Vus sappias perfetgamain tudestg a bucca ed en scrit. Enconuschientschas perfetgas u l'abilitad da communitgar en ina segunda lingua chantunala èn d'avantatg.