L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria tecnica u referendari tecnic (80–100 %)
Uffizi da guaud e privels da la natira
Ringstrasse 10
7000 Cuira
Voss champ d'incumbensas: En il sectur da projects tecnics collavurais Vus stretgamain cun il team regiunal ed As occupais da la projectaziun, da la publicaziun uffiziala sco er da la realisaziun d'averturas e d'ovras da protecziun forestalas. Vus surpigliais incumbensas da la direcziun da construcziun e pudais manar projects parzials en atgna responsabladad. Plinavant sustegnais Vus il team tar la realisaziun da lavurs da SIG, manais en atgna reschia incumbensas da mesiraziun cun agid da GPS e surpigliais er incumbensas generalas da support.
Voss profil: Vus avais terminà ina scolaziun spezialisada superiura (scola spezialisada superiura u scola auta spezialisada), da preferenza en economia forestala u en economia da construcziun. En il cas optimal avais Vus in pèr onns experientscha professiunala en ils fatgs da construcziun. Bunas enconuschientschas da las applicaziuns da SIG/GPS e da la IT èn d'avantatg. Vus essas ina persunalitad iniziativa, avais senn da responsabladad e lavurais a favur dal team. Vus savais perfetgamain tudestg a bucca ed en scrit. Giavischadas vegnan er enconuschientschas linguisticas dal rumantsch e/u dal talian.
Grad d'occupaziun: 80–100 %
Cumenzament da la lavur: 1. d'october 2023 u tenor cunvegna
Lieu da lavur: Zuoz (cun la pussaivladad da lavurar per part davent da chasa)
Termin d'annunzia: 30 da mars 2023
Persunas da contact: Gian Cla Feuerstein, telefon 081 257 50 90, gian.cla.feuerstein@awn.gr.ch u Ines Scherrer, Telefon 081 257 38 77, ines.scherrer@awn.gr.ch