L'administraziun chantunala – ina patruna moderna per collavuraturas motivadas e collavuraturs motivads sco Vus.

manadra u manader da la cultivaziun e da las emprovas (80–100 %)

Voss champ d'incumbensas: Il Center da furmaziun e cussegliaziun agricula Plantahof maina trais manaschis purils (Landquart CPE, Landquart Ganda Bio e Cuira Waldhaus Bio). Sco manadra u manader da la cultivaziun essas Vus responsabla u responsabel per la direcziun strategica dal team da cultivaziun a Landquart. Cun il sustegn dal manader dals bains purils essas Vus plinavant cumpetenta u cumpetent per organisar, realisar, evaluar e publitgar las numerusas emprovas praticas sin ils manaschis purils. En quest connex collavurais Vus stretgamain cun la cussegliaziun e cun la furmaziun agricula. In ulteriur champ da lavur impurtant è la lavur da publicitad. Vus manais gruppas da visitas tras il manaschi ed dais a questas persunas las infurmaziuns specificas correspundentas. Opziunalmain surpigliais Vus la responsabladad per la direcziun da la tratga da la muntanera da vatgas-mamma Limousin. Vus pudais quintar cun incumbensas fitg variadas en in ambient da lavur captivant.

Voss profil: Vus avais terminà ina scolaziun sco agrotecnicista u agrotecnicist SSS, sco maistra pura u maister pur cun diplom federal ubain ina scolaziun agricula cumparegliabla. Ultra da las abilitads agriculas necessarias vegnan premessas fitg bunas enconuschientschas da l'informatica (applicaziun), ina moda lavurar structurada sco er bunas abilitads da communitgar e qualitads correspundentas da manar persunas. Nus spetgain ina moda da lavurar accurata, fitg bunas enconuschientschas dal tudestg e l'abilitad da lavurar en in team. Plinavant possedais Vus il permiss da manischar da la categoria B cun examen da chars annexs.