L'administraziun chantunala – ina patruna moderna per collavuraturas motivadas e collavuraturs motivads sco Vus.

manadra u manader da l'orticultura

Voss champ d'incumbensas: Il Stabiliment giudizial Realta serva a l'execuziun averta dad umens tenor il Cudesch penal svizzer. Sco manadra u manader da l'orticultura essas Vus cumpetenta u cumpetent per la gestiun operativa da l'orticultura. Vus surpigliais la responsabladad per la direcziun, per l'instrucziun e per l'assistenza dals praschuniers tras Vus sco er tras las collavuraturas ed ils collavuraturs da l'orticultura. Ensemen cun Vossas collavuraturas e Voss collavuraturs planisais e survegliais Vus la producziun da legums e da plantas da vaschs, e quai da l'acquisiziun da las materias primas fin a la vendita. Sco part da l'orticultura è suttamessa a Vus er la butia dal bain puril cun in vast sortiment da plantas da vaschs, d'artitgels da decoraziun e da victualias. Tar Vossas incumbensas tutgan plinavant la direcziun, la planisaziun da la lavur e la promoziun professiunala da las collavuraturas e dals collavuraturs da l'orticultura. Vus surpigliais servetschs da fin d'emna e da pichet, e quai tant en l'orticultura sco er en il servetsch d'assistenza e da segirezza dal Stabiliment giudizial Realta.

Voss profil: Vus essas ina persuna directiva engaschada ed avais plaschair da la vendita. Vus enconuschais bain las controllas da qualitad u il controlling. En il cas ideal avais Vus terminà ina scolaziun sco pura u pur, sco ortulana u ortulan da legums ubain sco ortulana u ortulan da plantas da vasch. Plinavant avais Vus ina buna abilitad da supportar squitsch, l'abilitad da metter cunfins, la capacitad d'As far valair ed in dun organisatoric. Il contact cun persunas da differentas culturas vesais Vus sco sfida positiva. Sco persunalitad stabila ch'è abla d'acceptar critica restais Vus calma u calm er en situaziuns difficilas. Vossa cumpetenza sociala e Vossa abilitad da lavurar en in team mussais Vus mintga di en la collavuraziun interdisciplinara. Enconuschientschas da linguas estras èn d'avantatg. Ultra da quai avais Vus ina conduita irreproschabla, avais il permiss da manischar da la categoria B ed essas pronta u pront d'absolver la scolaziun sco persuna spezialisada per l'execuziun giudiziala.