L'administraziun chantunala – ina patruna moderna per collavuraturas motivadas e collavuraturs motivads sco Vus.

inschignera u inschigner da construcziun SPF/SAS sco manadra u manader da la secziun Mantegniment da las construcziuns artifizialas (80–100 %)

Voss champ d'incumbensas: Sco manadra u manader da la secziun Mantegniment da las construcziuns artifizialas manais Vus in team da sis collavuraturas e collavuraturs ch'è suttamess directamain a Vus. La secziun Mantegniment da las construcziuns artifizialas è responsabla per survegliar, per tegnair en funcziun e per planisar mesiras da mantegniment da las var 1500 construcziuns artifizialas da la rait da vias chantunalas. Ensemen cun il manader da la partiziun Construcziuns artifizialas definis Vus en Vossa funcziun plinavant ils princips e la planisaziun da plirs onns per il mantegniment da punts e da gallarias.

Voss profil: Vus avais in diplom sco inschignera u inschigner da construcziun SPF/SAS ed experientscha da plirs onns da giuditgar il stadi sco er da projectar e da realisar mesiras da mantegniment per construcziuns artifizialas. Vus enconuschais las normas svizras actualas. Plinavant As qualifitgais Vus tras ina gronda cumpetenza sociala e communicativa. Premess vegnan in stil segir en tudestg, plaschair da lavurar en in team e da surpigliar incumbensas directivas sco er ina moda da lavurar bain organisada, responsabla e fidada. Enconuschientschas dal rumantsch e/u dal talian cumpletteschan Voss profil.