L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari tar l'Agid a victimas (80 %)
Uffizi dal servetsch social
Grabenstrasse 8
7001 Cuira
Voss champ d'incumbensas: L'Agid a victimas cusseglia uffants, giuvenils e persunas creschidas ch'èn daventads victimas da delicts sco er lur confamigliaras e confamigliars. Sco referendaria u referendari avais Vus la responsabladad per tut las lavurs da secretariat, liquidais la correspundenza, manais la contabilitad e dais a clientas e clients emprims scleriments ed infurmaziuns specificas al telefon. Ultra da quai sustegnais Vus las cussegliadras ed ils cussegliaders sco er il manader dal post en lavurs administrativas generalas.
Voss profil: Vus avais terminà ina scolaziun sco commerzianta u commerziant. L'utilisaziun segira dals programs da computer usitads (Microsoft Office) sa chapescha da sez per Vus. Vus essas ina persunalitad flexibla e communicativa ch'è abla da dumagnar er grevs destins persunals e ch'è motivada da gidar umans en situaziuns da vita difficilas. Tar Vossas fermezzas tutgan er l'abilitad da lavurar en in team, discreziun e fidaivladad. En il cas ideal discurris Vus er talian ed essas versada u versà en il sectur da las assicuranzas socialas.
Grad d'occupaziun: 80 %
Cumenzament da la lavur: 1. da zercladur 2023 u tenor cunvegna
Lieu da lavur: Cuira
Termin d'annunzia: 24 da mars 2023
Persunas da contact: Bettina Melchior, telefon 081 257 31 53 u Mathias Kaufmann, telefon 081 257 26 68