L'administraziun chantunala – ina patruna moderna per collavuraturas motivadas e collavuraturs motivads sco Vus.

collavuratura u collavuratur per il servetsch da scleriment da la APUC (40 %)

Voss champ d'incumbensas: Vossas incumbensas cumpiglian scleriments da fatgs e da basegns en la protecziun d'uffants e da creschids e rapports davart ils resultats per mauns da l'autoritad. Vus planisais e manais discurs utils cun persunas pertutgadas directamain e cun confamigliars (er ordaifer il biro). Vus adattais ils singuls pass dals scleriments a la situaziun, dumandais infurmaziuns relevantas tar las persunas spezialisadas, tar las instituziuns e tar ils uffizis involvids, quai adina cun observar las disposiziuns davart la protecziun da datas. Vus scleris purschidas da sustegn alternativas ed infurmais las persunas e las instituziuns involvidas. Vus percurschais las situaziuns che dovran mesiras urgentas ed elavurais propostas per mauns da la commembra u dal commember da l'autoritad che maina la procedura. Vitiers vegnan ulteriuras incumbensas sin ordinaziun che vus liquidais en stretga collavuraziun cun la commembra responsabla u il commember responsabel da l'autoritad.

Voss profil: Vus avais in diplom renconuschì en lavur sociala, en pedagogia, en psicologia u en tgira u avais terminà ina scolaziun equivalenta. Da preferenza avais Vus experientscha professiunala. En spezial avais Vus gia enconuschientschas u interess per ils secturs specifics da la protecziun d'uffants e da creschids. Bunas enconuschientschas en l'applicaziun dal computer vegnan premessas. Las persunas en situaziuns da vita difficilas mettais Vus en il center da Vossas ponderaziuns. Structurar situaziuns cumplexas sa chapescha per Vus da sez. Vus essas mobila u mobil, ed en l'organisaziun da Vossas acziuns essas Vus flexibla u flexibel. Vus essas ina persuna fidada ch'è abla da supportar squitsch psichic e che ha in senn da responsabladad. Vus mettais prioritads, lavurais en moda independenta e discreta ed avais in pensar concepziunal ed analitic. Ina ferma orientaziun a la prestaziun da servetschs e l'abilitad da lavurar en in team en in context interdisciplinar cumpletteschan Voss profil. Enconuschientschas dal rumantsch èn d'avantatg.