L'administraziun chantunala – ina patruna moderna per collavuraturas motivadas e collavuraturs motivads sco Vus.
spezialista u spezialist dad ICT per la gestiun d'applicaziuns (80–100 %)
Uffizi d'informatica
Rosenweg 4
7001 Cuira
Tar l'Uffizi d'informatica pos ti gidar a concepir la transfurmaziun digitala. Sco purschider central da servetschs dad IT da l'administraziun chantunala dal Grischun mettain nus a disposiziun a nossa clientella ina infrastructura dad IT moderna che duai esser disponibla da tuttas uras. Vuls ti far part d'in team cumpetent che collavura fitg bain? Tar nus has ti la pussaivladad da ta far valair en moda activa e da gidar a concepir l'infrastructura.
Tes champ d'incumbensas:
- Installar, tegnair en funcziun e survegliar sistems da Windows Server sco er exequir lavurs da mantegniment ed eliminar disturbis.
- Tegnair en funcziun e mantegnair l'applicaziun speziala CMI (administraziun da las fatschentas) ensemen cun nossa clientella e cun noss furniturs.
- Collavurar al mantegniment da l'infrastructura da basa dad IT.
- Garantir ils process relevants, las interfatschas ed ils standards definids.
- Collavurar, planisar e realisar projects dad IT.
Tias cumpetenzas:
- Scolaziun en direcziun tecnica cun in diplom d'ina scola spezialisada superiura u d'ina scola auta spezialisada ubain ina scolaziun cumparegliabla.
- Bunas enconuschientschas ed experientscha pratica en ils conturns da Windows Server e dal manaschi d'applicaziuns.
- Enconuschientschas da PowerShell e da bancas da datas èn d'avantatg.
- Persunalitad autonoma e fidada ch'è orientada fermamain a la clientella ed als servetschs.
- In pensar cumplessiv ed analitic sco er ina moda da lavurar structurada ed orientada al team.
- Ina gronda abilitad da supportar squitsch sco er la prontezza da far tscherts servetschs ordaifer il temp da lavur regular.
- Persuna cun plaschair d'emprender, iniziativa ed avertadad per novas tecnologias.
Nus purschain furmas da lavur modernas sco lavur parziala e homeoffice ed er la pussaivladad da retrair fin duas emnas vacanzas supplementaras. La cumpatibilitad da la professiun cun la famiglia vegn sustegnida. Cun campagnas che promovan la sanadad pos ti tegnair fit tes spiert e tes corp. Numerusas pussaivladads da ta perfecziunar cumpletteschan nossa purschida.
Avain nus sveglià tes interess?
Grad d'occupaziun: 80–100 %
Cumenzament da la lavur: immediatamain u tenor cunvegna
Lieu da lavur: Cuira
Termin d'annunzia: 9. d'avrigl 2023
Contact per dumondas: Paul Gehring, paul.gehring@afi.gr.ch, telefon 081 257 32 57