L'administraziun chantunala – ina patruna moderna per collavuraturas motivadas e collavuraturs motivads sco Vus.
managera u manager d'applicaziuns IAM (80–100 %)
Uffizi d'informatica
Rosenweg 4
7001 Cuira
Tar l'Uffizi d'informatica pos ti gidar a concepir la transfurmaziun digitala. Nus essan il purschider central da servetschs dad IT da l'administraziun chantunala dal Grischun. Sco part da l'infrastructura da basa per il e-government maina l'Uffizi d'informatica in sistem modern dad identity & access management (IAM) per administrar las identitads digitalas ed ils access da la populaziun e da l'economia als servetschs online. Vuls ti far part d'in team cumpetent che collavura fitg bain? Tar nus has ti la pussaivladad da ta far valair en moda activa e da gidar a concepir l'infrastructura.
Tes champ d'incumbensas:
- analisar, registrar e documentar las pretensiuns envers il sistem dad IAM
- cussegliar e sustegnair las persunas internas ch'èn responsablas per las applicaziuns e per las lingias, sch'i sa tracta d'integrar applicaziuns spezialisadas
- parametrar l'applicaziun e configurar las interfatschas als sistems circumdants
- evaluar bancas da datas cun SQL
- procurar per il management da midadas, da releases e da tests
- chattar soluziuns e tractar problems che cumpiglian pliras organisaziuns sco er coordinar differentas activitads cun ils posts interns e cun ils furniturs
- cooperar a projects da clientella e manar projects parzials
- procurar per l'observaziun da process e da standards dad IAM ch'èn relevants
Tias cumpetenzas:
- scolaziun u furmaziun supplementara en il sectur da l'informatica u da l'informatica economica (scola auta spezialisada, scola spezialisada superiura u scolaziun equivalenta) ed experientscha pratica en il management d'applicaziuns u plirs onns experientscha fundada en la tgira d'in sistem dad IAM
- experientscha en la direcziun da projects dad IT ed en la specificaziun da pretensiuns dad IT
- enconuschientschas da l'analisa e da la concepziun da process da gestiun sustegnids da la IT sco er dal svilup d'applicaziuns èn d'avantatg
- in pensar cumplessiv ed analitic sco er ina moda da lavurar structurada ed a favur dal team
- persunalitad independenta e fidada cun senn per qualitad e cun in bun pau atgna iniziativa, abilitad organisatorica e perseveranza
- erma orientaziun als basegns da la clientella ed als servetschs
Nus purschain furmas da lavur modernas sco lavur parziala e homeoffice ed er la pussaivladad da retrair fin duas emnas vacanzas supplementaras. La cumpatibilitad da la professiun cun la famiglia vegn sustegnida. Campagnas che promovan la sanadad e numerusas pussaivladads da perfecziunament cumpletteschan nossa purschida.
Avain nus sveglià tes interess?
Grad d'occupaziun: 80–100 %
Cumenzament da la lavur: immediatamain u tenor cunvegna
Lieu da lavur: Cuira
Termin d'annunzia: 9. d'avrigl 2023
Contact per dumondas: Mathias Aebischer, mathias.aebischer@afi.gr.ch, telefon 081 257 31 66