L'administraziun chantunala – ina patruna moderna per collavuraturas motivadas e collavuraturs motivads sco Vus.
praticanta u praticant per ils secturs spezials «edifizis ordaifer la zona da construcziun» e «planisaziun d'utilisaziun» (80−100 %)
Uffizi per il svilup dal territori
Ringstrasse 10
7001 Cuira
Tes champ d'incumbensas: Sco praticanta u praticant vegns ti engaschada u engaschà per incumbensas currentas en nossa partiziun Planisaziun d'utilisaziun ed edifizis ordaifer la zona da construcziun. Uschia pos ti rimnar experientschas praticas per tia vita professiunala en il sectur da la planisaziun dal territori. Ti elavuras dumondas per edifizis e stabiliments ordaifer la zona da construcziun, collavuras tar l'examinaziun preliminara u tar l'approvaziun da planisaziuns localas da las vischnancas, prendas posiziun davart projects ord vista da la planisaziun dal territori e fas substituziuns en cas d'absenzas da vacanzas.
Tes profil: Questa plazza da praticum sa drizza en emprima lingia a studentas e students da scolas autas spezialisadas e da scolas autas en il rom d'in semester da praticum u ad absolventas ed absolvents da scolaziuns dal sectur da la planisaziun dal territori, che vulessan sa preparar per l'entrada en la professiun u per ina furmaziun supplementara en il sectur da la planisaziun dal territori. In interess spezial per dumondas concretas da la planisaziun dal territori vegn premess. Nus premettain plinavant ina buna expressiun en scrit en tudestg. Enconuschientschas da las ulteriuras linguas uffizialas chantunalas (rumantsch u talian) èn bainvegnidas. Abilitad da lavurar en in team e plaschair dal contact cun umans, iniziativa ed avertadad sco er bunas enconuschientschas dal computer cumpletteschan tes profil.
Nossa purschida: La pussaivladad d'influenzar il svilup da la planisaziun dal territori d'ina regiun grischuna variada. In champ d'incumbensas interessant, pretensius ed interdisciplinar. Collegas motivads e versads, temp da lavur per onn ed in ambient da lavur modern en il nov center administrativ sinergia.
Grad d'occupaziun: 80–100 %
Cumenzament da la lavur: tenor cunvegna
Lieu da lavur: Cuira
Termin d'annunzia: 30 d'avrigl 2023
Persuna da contact: Petra Spescha-Riedi, telefon 081 257 23 28, personal@are.gr.ch