L'administraziun chantunala – ina patruna moderna per collavuraturas motivadas e collavuraturs motivads sco Vus.
giurista u giurist per il Servetsch giuridic/actuariat (60–70 %)

Autoritad per la protecziun d'uffants e da creschids (APUC) Grischun

Filiala Grischun central/Moesa

Untere Gasse 1

7430 Tusaun

Voss champ d'incumbensas: Sco giurista u giurist sustegnais e cussegliais Vus en in pitschen team las commembras ed ils commembers da l'autoritad sco er las procuraturas ed ils procuraturs en dumondas giuridicas materialas e formalas (dretg da la protecziun d'uffants e da creschids, dretg matrimonial e dretg d'ierta, affars cun bains immobigliars, dretg d'assicuranza, dretg privat internaziunal). En il rom da las proceduras delegadas, particularmain en ils secturs da fatschentas che dovran in consentiment, da l'administraziun da la facultad dals uffants, da cas da responsabladad e.u.v., faschais Vus ils scleriments necessaris e preparais sbozs da decisiun per mauns da la APUC (activitad d'actuariat). Plinavant examinais Vus dumondas en connex cun mesiras legalas sco mandats preventivs, disposiziuns da pazients, represchentanzas legalas e mesiras che restrenschan la libertad da sa mover sco er ils scleriments necessaris per reglar il mantegniment dals uffants e da l'attribuziun da la tgira als geniturs.

Voss profil: Vus possedais in diplom universitar en giurisprudenza, avais fatg experientscha professiunala (da preferenza en in'advocatura u en ina dretgira) e pudais cumprovar bunas enconuschientschas dal dretg privat. Las incumbensas che As vegnan assegnadas prendais Vus per mauns cun quità sco er en moda effizienta e liquidais quellas er sut squitsch da temp cun in'auta qualitad professiunala. In bun dun receptiv, ina moda da lavurar orientada a la prestaziun da servetschs ed a soluziuns sco er ina fitg buna expressiun linguistica a bucca ed en scrit (da preferenza en tudestg e talian) As distinguan.

Vus avais l'abilitad da supportar squitsch; l'ambient mintgatant pretensius da la APUC e la collavuraziun interdisciplinara chapis Vus sco sfidas positivas.

Grad d'occupaziun: 60–70 %
Cumenzament da la lavur: 1. d'october 2022 u tenor cunvegna
Lieu da lavur: Tusaun
Termin d'annunzia: 15 da fanadur 2022
Persuna da contact: Urs Werner, manader da la filiala Grischun central/Moesa (ad interim)

Nus ans legrain da Vossa annunzia electronica cumpletta.