L'administraziun chantunala – ina patruna moderna per collavuraturas motivadas e collavuraturs motivads sco Vus.
Praticanta u praticant infurmaziun e documentaziun (80–100 %) en la Biblioteca chantunala

Uffizi da cultura / Biblioteca chantunala

Karlihofplatz

7001 Cuira

Sco biblioteca da studi e da furmaziun sustegna la Biblioteca chantunala dal Grischun la furmaziun, la scienza e la cultura cun l'intermediaziun da mediums correspundents en las trais linguas dal chantun. Ultra da quai tgira la biblioteca ils «classichers» dals secturs da la litteratura, dal film e da la musica. Sco biblioteca d'archiv dal Grischun è la Biblioteca chantunala il lieu da rimnada central per la Raetica, q.v.d. per tut las medias che vegnan publitgadas en il Grischun u che pertutgan il Grischun tras lur cuntegn u tras lur autur.


Voss champ d'incumbensas: Il praticum è ina preparaziun per in studi SAS da la scienza d'infurmaziun (per exempel a la SASGR). Vus surpigliais incumbensas en ils secturs acquisiziun, cataloghisaziun, archivaziun ed utilisaziun. En quest connex survegnis Vus ina introducziun generala en ils differents champs d'incumbensas da la Biblioteca chantunala ed emprendais ils tipics process ed instruments bibliotecars (sistem da biblioteca Alma).

Voss profil: Vus avais terminà ina maturitad gimnasiala u in emprendissadi cun maturitad professiunala. Ultra da quai avais Vus bunas enconuschientschas da l'applicaziun dal computer, avais interess per las dumondas da biblioteca actualas e per las tecnologias digitalas ed essas disada u disà da lavurar en moda independenta ed exacta.

Nus purschain in champ d'activitad multifar en in ambient da lavur agreabel.

Grad d'occupaziun: 80–100 % (limità ad 1 onn)
Cumenzament da lavur: 1. da settember 2022 u tenor cunvegna
Lieu da lavur: Cuira
Termin d'annunzia: 10 da fanadur 2022
Persuna da contact: Nadine Wallaschek, telefon 081 257 28 22, nadine.wallaschek@kbg.gr.ch

Nus ans legrain da Vossa annunzia electronica cumpletta.