L'administraziun chantunala – ina patruna moderna per collavuraturas motivadas e collavuraturs motivads sco Vus.
architecta u architect dad ICT (80–100 %)

Uffizi d'informatica

Rosenweg 4

7000 Cuira

Voss champ d'incumbensas: L'Uffizi d'informatica è il post central dals servetschs d'informatica per l'administraziun chantunala. La partiziun Gestiun da l'informatica è responsabla per ils temas architectura dad IT, segirezza d'infurmaziun e governance dad IT sco er per la planisaziun strategica da l'informatica da l'administraziun chantunala. La plazza d'architecta u architect dad ICT cumpiglia in champ d'incumbensas multifar en ils conturns da l'administraziun publica che daventan pli e pli digitals. Vus planisais, realisais e tgirais ils standards per architecturas ICT da sistems dad IT, per applicaziuns e per lur puncts da contact. Vus sustegnais ils posts da servetsch ed ils furniturs da servetschs dad IT interns en dumondas d'architectura e controllais la confurmitad da l'architectura da novs projects. Plinavant avais Vus la responsabladad per process existents sco il management da pretensiuns e da tecnologia ed amplifitgais vinavant las structuras en il sectur da l'architectura dad ICT.

Voss profil: Vus avais terminà ina scolaziun superiura en il sectur dad IT (scola auta spezialisada, universitad u scolaziun equivalenta) ed avais en il cas ideal experientscha professiunala da plirs onns en ina funcziun tecnica u concepziunala dad IT. Vossa chapientscha per process da gestiun e per l'infrastructura dad IT As permetta dad esser – en il rom da projects d'architectura – la persuna da contact tranter la tecnica e las pretensiuns da las fatschentas. Vus avais l'abilitad d'As perfecziunar en moda independenta en il sectur da l'architectura dad ICT ed essas averta u avert per incumbensas dals ulteriurs secturs tematics da la gestiun da l'informatica. Per ademplir questa incumbensa da responsabladad n'avais Vus betg mo in pensar cumbinatoric, mabain er blera independenza, atgna iniziativa e conscienza per qualitad. Abilitads concepziunalas exprimidas e cumpetenza metodologica cumpletteschan Voss profil. Vus savais intermediar fatgs cumplexs ad in public pretensius da maniera segira e tenor las pretensiuns da la gruppa en mira (enconuschientschas segiras dal tudestg per contractar a bucca ed en scrit).

Grad d'occupaziun: 80–100 %
Cumenzament da la lavur: 1. da settember 2022 u tenor cunvegna
Lieu da lavur: Cuira
Termin d'annunzia: 20 da fanadur 2022
Persuna da contact: Mario Eugster, 081 257 31 64,mario.eugster@afi.gr.ch

Nus ans legrain da Vossa annunzia electronica cumpletta.