L'administraziun chantunala – ina patruna moderna per collavuraturas motivadas e collavuraturs motivads sco Vus.
manadra u manader da l'Uffizi da militar e da protecziun civila / scheffa u schef dal Stab directiv chantunal

Departament da giustia, segirezza e sanadad

Hofgraben 5

7000 Cuira

Voss champ d'incumbensas: En questa funcziun ch'è suttamessa directamain al schef dal Departament da giustia, segirezza e sanadad essas Vus cumpetenta u cumpetent per la direcziun da l'Uffizi da militar e da protecziun civila cun circa 30 collavuraturas e collavuraturs. En il rom da las prescripziuns legalas essas Vus responsabla u responsabel per proteger – cun planisar e cun realisar mesiras da protecziun ed agids – la populaziun e sia basa da viver en cas da catastrofas ed en situaziuns d'urgenza. En cooperaziun cun las organisaziuns partenarias e cun las vischnancas gidais Vus a reducir ed a dumagnar cas da donns. En quest connex èn Vossas incumbensas er la furmaziun supplementara ed – en la fasa da prevenziun e da reparaziun – la direcziun dal Stab directiv chantunal sco er la scolaziun dals stabs directivs communals. Ultra da quai essas Vusresponsabla u responsabel per la direcziun generala da la protecziun da la populaziun en il sectur da las planisaziuns da provediment sco er per ils secturs Protecziun civila edifizis e Protecziun civila acziun/instrucziun. En il sectur dal militar exequis Vus las incumbensas delegadas al chantun tenor la Lescha militara. En Voss champ d'incumbensas stais Vus en in contact intensiv cun uffizis federals, cun uffizis chantunals, cun autoritads communalas e cun organisaziuns partenarias da la protecziun da la populaziun.

Voss profil: Las incumbensas multifaras e cumplexas pretendan ina persunalitad persvadenta ed iniziativa che ha cumpetenzas expressivas da manar e socialas, in dun d'organisar e da contractar sco er abilitads communicativas extraordinarias. Vus avais absolvì ina furmaziun professiunala superiura. D'avantatg è ina furmaziun d'uffizier en l'armada u experientscha da direcziun en in'organisaziun a glisch blaua. En in'activitad directiva da plirs onns che ha tegnì quint dals resultats avais Vus acquistà vastas experientschas da direcziun e dal champ professiunal. Questas experientschas cumpiglian er l'iniziaziun e la direcziun da projects pretensius. Vus essas abla u abel da manar l'uffizi en moda orientada als resultats, efficazia ed economica. Vus percepis ad ura svilups e concepis strategias orientadas a soluziuns. Ultra da quai avais Vus enconuschientschas profundas dals secturs dal militar e da la protecziun civila u da las organisaziuns a glisch blaua ed enconuschais fitg bain las relaziuns geograficas, politicas e socialas dal chantun Grischun. Enconuschientschas dal rumantsch e dal talian èn d'avantatg.

Grad d'occupaziun: 80–100 %
Cumenzament da la lavur: 1. da schaner 2023 u tenor cunvegna
Lieu da lavur: Cuira /Haldenstein
Termin d'annunzia: 29 da fanadur 2022
Persuna da contact: Cusseglier guvernativ Peter Peyer,081257 25 01, peter.peyer@djsg.gr.ch

Nus ans legrain da Vossa annunzia electronica cumpletta.