L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari per ils Fatgs da contribuziun e finanzas (40–60 %)

Uffizi per la furmaziun professiunala

Grabenstrasse 1

7001 Cuira

Voss champ d'incumbensas: Vus essas responsabla u responsabel per liquidar las dumondas da finanzas da las proceduras da qualificaziun e calculais independentamain u en il team las contribuziuns per las instituziuns da la furmaziun professiunala. Plinavant sustegnais Vus il team d'examinar e d'elavurar ils quints dals daners da scola extrachantunals ed ils rendaquints da las subvenziuns dals curs intermanaschials. Ultra d'incumbensas da contabilitad generalas gidais Vus er d'elavurar il preventiv ed il rendaquint annual ed essas responsabla u responsabel per il sistem da controlla intern. Ultra da quai cooperais Vus en gruppas da project e da lavur.

Voss profil: Vus avais terminà ina scolaziun fundamentala da commerzi cun furmaziun supplementara en finanzas ed en contabilitad u ina furmaziun supplementara equivalenta. In bun dun receptiv per connexs cumplexs, in aut grad d'independenza sco er in bun dun da contractar As qualifitgeschan per questa plazza. Vus essas ina persuna flexibla e discreta ch'è abla da supportar squitsch e da lavurar en in team. Vus lavurais en moda exacta, proactiva e fidada. Vus avais in stil segir d'As exprimer per tudestg. Enconuschientschas d'ina segunda lingua chantunala (eventualmain er da la terza) èn bainvegnidas en questa funcziun. In'affinitad per il mund digital, en spezial per Microsoft Office, per la banca da datas Access e per applicaziuns specificas cumpletteschan Voss profil.

Grad d'occupaziun: 40–60 %
Cumenzament da la lavur: 1. da november 2022 u tenor cunvegna
Lieu da lavur: Cuira
Termin d'annunzia: 10 da fanadur 2022
Persuna da contact: Evelyne Müller, manadra da la partiziun Fatgs da contribuziun e finanzas, telefon 081 257 27 62, evelyne.mueller@afb.gr.ch

 

Las annunzias ston vegnir inoltradas exclusivamain online

Nus ans legrain da Vossa annunzia electronica cumpletta.