L'administraziun chantunala – ina patruna moderna per collavuraturas motivadas e collavuraturs motivads sco Vus.
guardia da notg a temp parzial en il Center d'expulsiun Flüeli, Valzeina
Uffizi da migraziun e da dretg civil
Karlihof 4
7001 Cuira
Voss champ d'incumbensas: Vus surpigliais la guardia da notg en il Center d'expulsiun, e quai da las 19.00 fin las 07.00. En questa funcziun procurais Vus per quietezza, urden e segirezza en ed enturn il center. Vus essas la persuna da contact directa per las abitantas ed ils abitants sco er per persunas externas en tut ils cas urgents. Vus controllais las visitadras ed ils visitaders e faschais bandunar la chasa persunas che n'han nagin dretg d'access. Vus faschais la controlla da preschientscha, faschais turs tras la chasa, liquidais incumbensas ed instrucziuns ed infurmais sche necessari ils servetschs d'urgenza e las persunas superiuras en cas d'eveniments spezials.
Voss profil: Vus avais terminà ina furmaziun professiunala u ina scolaziun equivalenta. Premessas vegnan ina demananza segira, ina moda da lavurar independenta, enconuschientschas da linguas estras ed ina tscherta experientscha da vita. Plinavant avais Vus in spiert avert e n'avais nagins pregiudizis envers persunas d'auters circuls culturals. Vus procurais ch'ils cumonds vegnian observads ed avais in bun management da crisas. Vus avais er tschertas enconuschientschas medicinalas da basa e plaschair d'ademplir en atgna responsabladad ina incumbensa independenta. Per questa plazza pon vegnir resguardads mo umens.
Grad d'occupaziun: tenor cunvegna (plazza a temp parzial cun indemnisaziun pauschala per notg)
Cumenzament da la lavur: tenor cunvegna
Lieu da lavur: Grüsch (Valzeina)
Termin d'annunzia: 30 zercladur 2022
Persuna da contact: Armin Bühler, telefon 081 257 63 40, armin.buehler@afm.gr.ch u Barbara Grazia, telefon 081 257 25 23, barbara.grazia@afm.gr.
Nus ans legrain da Vossa annunzia electronica cumpletta.