L'administraziun chantunala – ina patruna moderna per collavuraturas motivadas e collavuraturs motivads sco Vus.
referendaria u referendari per ils Fatgs da contribuziun e finanzas (80–100 %)

Uffizi per la furmaziun professiunala

Grabenstrasse 1

7001 Cuira

Voss champ d'incumbensas: Vus essas responsabla u responsabel per ils curs intermanaschials e calculais independentamain u en il team las contribuziuns a favur d'instituziuns da la furmaziun professiunala. Plinavant gidais Vus a reglar las finanzas da las proceduras da qualificaziun, administrais la contabilitad dals debiturs e dals crediturs e surpigliais la responsabladad per la controlla da las spesas. Da Vossas incumbensas fan part medemamain la collavuraziun a la preparaziun dal preventiv e dal quint annual. Ultra da quai cooperais Vus en gruppas da project ed en gruppas da lavur e scolais l'emprendista u l'emprendist.

Voss profil: Vus avais terminà ina scolaziun commerziala fundamentala cun ina scolaziun da cuntinuaziun en contabilitad. In bun dun receptiv per connexs cumplexs, ina gronda independenza sco er in dun da contractar expressiv As qualifitgeschan per questa plazza. Vus essas ina persunalitad flexibla, abla da supportar squitsch, abla da lavurar en in team e discreta che lavura exactamain sco er en moda proactiva e fidada. Vus avais in stil segir d'As exprimer per tudestg. Enconuschientschas d'ina segunda lingua chantunala (eventualmain er da la terza) èn bainvegnidas en questa funcziun. In'affinitad per il mund digital, en spezial per Microsoft Office e per applicaziuns specificas cumpletteschan Voss profil.

Grad d'occupaziun: 80–100 %
Cumenzament da la lavur: 1. d'october 2022
Lieu da lavur: Cuira
Termin d'annunzia: 4 da fanadur 2022
Persuna da contact: Evelyne Müller, manadra da la partiziun Fatgs da contribuziun e finanzas, telefon 081 257 27 62, evelyne.mueller@afb.gr.ch

 
Las annunzias ston vegnir inoltradas exclusivamain online.

Nus ans legrain da Vossa annunzia electronica cumpletta.