L'administraziun chantunala – ina patruna moderna per collavuraturas motivadas e collavuraturs motivads sco Vus.
Collavuratura u collavuratur per il helpdesk ICT (80–100 %)

Polizia chantunala dal Grischun

Ringstrasse 2

7000 Cuira

Voss champ d'incumbensas: La ICT da la Polizia chantunala dal Grischun è responsabla per il manaschi da sistems e d'applicaziuns spezialisadas. Latiers tutga il support per clientella interna ed externa.

Vossas incumbensas sco collavuratura u collavuratur per il helpdesk ICT cumpiglian l'acceptaziun e l'elavuraziun da dumondas da support e d'annunzias da disturbi d'utilisadras e d'utilisaders sur il IT Service Management System u per telefon. Vus endatais las infurmaziuns necessarias, analisais las dumondas e documentais Vossa soluziun. En cas da basegn tramettais Vus vinavant il problem cun ina descripziun dals sbagls qualifitgada. Plinavant survegliais Vus dumondas e disturbis fin la soluziun definitiva. Vus faschais e tgirais las documentaziuns davart sistems e davart soluziuns da problems.

Voss profil: Per questa incumbensa variada avais Vus terminà ina scolaziun da basa tecnica u commerziala cun ina furmaziun supplementara en il sectur dad IT (p.ex. supportra u supporter dad ICT SIZ). Ultra da quai avais Vus experientscha pratica en il support dad IT sco er enconuschientschas fundadas en conturns da manaschi da Microsoft. Vus essas ina persuna flexibla, ch'è abla da lavurar en in team e ch'è orientada a soluziuns, avais in bun dun receptiv sco er ina moda da lavurar speditiva ed independenta. Er sut squitsch da temp essas Vus abla u abel da liquidar las incumbensas en moda structurada ed exacta. In'orientaziun exprimida als basegns da la clientella, ina gronda conscienza da qualitad ed atgna iniziativa cumpletteschan Voss profil. Vus avais ina fitg buna expressiun a bucca ed en scrit en tudestg ed appreziais il contact direct cun las utilisadras ed ils utilisaders. Enconuschientschas dal talian e cumpetenza metodica ITIL èn d'avantatg.

Grad d'occupaziun: 80–100 %
Cumenzament da la lavur: tenor cunvegna
Lieu da lavur: Cuira
Termin d'annunzia: 30 da zercladur 2022
Persuna da contact: Sandro Bühler, telefon 081 257 73 83, sandro.buehler@kapo.gr.ch

Nus ans legrain da Vossa annunzia electronica cumpletta.