L'administraziun chantunala – ina patruna moderna per collavuraturas motivadas e collavuraturs motivads sco Vus.
geologa u geolog ubain idrogeologa u idrogeolog (80–100 %)

Uffizi per la natira e l'ambient

Ringstrasse 10

7000 Cuira

Voss champ d'incumbensas: En il sectur da la protecziun e da l'utilisaziun da l'aua sutterrana accumpagnais Vus las determinaziuns da zonas da protecziun per implants da pumpadi d'aua sutterrana, per funtaunas d'aua da baiver e d'aua minerala sco er las lavurs idrogeologicas per retratgas d'aua sutterrana per pumpas a chalur, per aua da baiver e per aua da diever. Vus concedis la permissiun tenor la legislaziun davart la protecziun da las auas per edifizis e stabiliments sco er per lavurs en secturs da la protecziun da las auas ch'èn spezialmain periclitads. Vus cussegliais vischnancas, inschigners e geologs en Voss sectur spezial. Vus actualisais la charta da la protecziun da las auas, da l'aua sutterrana sco er da l'utilisaziun da la chalur da la terra e tgirais la rait chantunala da l'observaziun da l'aua sutterrana. Ultra da quai redigis Vus posiziuns specificas davart differents projects da construcziun e da planisaziun. En il rom dal servetsch cunter donns essas Vus pronta u pront da far servetsch da pichet.

Voss profil: Vus avais terminà in studi sco geologa u geolog cun enconuschientschas pli profundas e cun experientschas en il sectur da l'idrogeologia. Vus avais ina demananza segira, avais in bun dun da contractar, lavurais en moda independenta, essas ina persuna communicativa ed essas abla u abel da lavurar en in team. Vus avais ina buna expressiun a bucca ed en scrit per tudestg. Enconuschientschas dal rumantsch e dal talian èn d'avantatg.

Grad d'occupaziun: 80–100 %
Cumenzament da la lavur: 1. d'october 2022 u tenor cunvegna
Lieu da lavur: Cuira
Termin d'annunzia: 1. da avust 2022
Persuna da contact: Yves Quirin, telefon 081 257 29 65, yves.quirin@anu.gr.ch

Nus ans legrain da Vossa annunzia electronica cumpletta.