Daventa polizista u polizist tar la Polizia chantunala dal GR

Polizia chantunala | 100% | Chur

Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km2 è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.

L'administraziun chantunala – ina patruna moderna per collavuraturas motivadas e collavuraturs motivads sco ti.

Voss champ d'incumbensas

En il chantun multifar procuras ti per segirezza sco er per quietezza ed urden per tuttas e tuts: abitantas ed abitants, giasts da vacanzas, participantas e participants da congress sco er passantas e passants. Tar nus stat adina l'uman en il center, saja quai en il provediment da basa u en il servetsch spezial – a tai stattan avertas tut las portas – www.kapo.gr.ch.

Quai che nus giavischain da Vus

  • dretg da burgais svizzer u permissiun da domicil (la permissiun C sto vegnir inoltrada cun l'annunzia)
  • vegliadetgna minimala da 20 onns
  • grondezza minimala da 160 cm
  • furmaziun professiunala terminada cun attestat federal da qualificaziun, maturitad gimnasiala, maturitad spezialisada
  • u qualificaziuns equivalentas
  • conduita irreproschabla
  • gronda cumpetenza persunala e sociala, tenuta a favur da las burgaisas e dals burgais
  • permiss da manischar da la categoria B
  • enconuschientschas en l'applicaziun da l'informatica (Microsoft Office)
  • buna sanadad psichica e fisica
  • abilitad da supportar squitsch
  • test da qualificaziun absolvì cun success (www.werdepolizist.ch)
    Termins per il test da qualificaziun: 16 da mars 2024, 8 da zercladur 2024, 12 d'october 2024

Noss avantatgs

Models dal temp da lavur flexibels e nua che pussaivel incl. homeoffice e lavur mobila
Work-life-balance cun vacanzas d'almain 5 emnas e cun congedi d'anzianitad
Supplement social spezial ultra dal supplement per uffants e sustegn per la tgira d'uffants tras terzas persunas
Paja e prestaziuns socialas attractivas
Pussaivladads multifaras d'absolver ina scolaziun ed ina furmaziun supplementara
Pussaivladad da gidar a concepir il futur dal chantun

Lieu da lavur

Polizia chantunala
Ringstrasse 2
7000 Cuira
Sche Vus avais dumondas davart il process da recrutaziun, contactai per plaschair HRM Scolaziun da basa, telefon 081 257 72 31, grundausbildung@kapo.gr.ch.

Polizia chantunala

Ringstrasse 2

7000 Cuira