L'administraziun chantunala – ina patruna moderna per collavuraturas motivadas e collavuraturs motivads sco Vus.
mecanista u mecanist da maschinas agriculas – manadra u manader da l'ufficina dal lavuratori agrar (80–100 %)

Uffizi per l'execuziun giudiziala

Grabenstrasse 15

7001 Cuira

Voss champ d'incumbensas: Il Stabiliment giudizial Realta serva a l'execuziun averta dad umens tenor il Cudesch penal svizzer. En l'ufficina dal lavuratori agrar bain equipada surpigliais Vus la direcziun, l'instrucziun e l'assistenza da persunas collocadas. Ultra da quai procurais Vus sco manadra u manader dal lavuratori per las reparaturas e per il mantegniment da tut ils vehichels, las maschinas ed ils indrizs tecnics dal bain puril sco er dal stabiliment giudizial Realta. Plinavant sustegnais Vus Vossa persuna superiura tar la budgetaziun e tar l'acquisiziun d'investiziuns substitutivas e cussegliais las collavuraturas ed ils collavuraturs dal bain puril en dumondas tecnicas. Vus essas responsabla u responsabel per l'empustaziun e per la magasinaziun en il lavuratori agrar e manais quel tenor princips economics. En il servetsch d'assistenza e da segirezza dal stabiliment giudizial Realta surpigliais Vus servetschs da fin d'emna e da pichet, en il bain puril in servetsch da pichet d'enviern.

Voss profil: Vus avais terminà ina scolaziun sco mecanista u mecanist da maschinas agriculas ed avais experientscha professiunala da plirs onns. Il contact cun persunas da differentas culturas vesais Vus sco sfida positiva. Sco persunalitad stabila ch'è abla da supportar squitsch e d'acceptar critica restais Vus calm er en situaziuns difficilas. Vossa cumpetenza sociala e Vossa abilitad da lavurar en in team mussais Vus mintga di en la collavuraziun interdisciplinara. Enconuschientschas da linguas estras èn d'avantatg. Ultra da quai avais Vus ina conduita irreproschabla, ina vegliadetgna d'almain 25 onns ed essas pronta u pront d'absolver la scolaziun sco persuna spezialisada per l'execuziun giudiziala.

Grad d'occupaziun: 80–100 %

Cumenzament da la lavur: tenor cunvegna

Lieu da lavur: Cazas

Termin d'annunzia: 30 da schaner 2022

Persuna da contact: Simon Peter Luzi, telefon 081 257 46 90 u Manuela Kassubek, telefon 081 257 52 61, personal@ajv.gr.ch / pagina d'internet: www.ajv.gr.ch

Nus ans legrain da Vossa annunzia electronica cumpletta.